Sfida që i bëri Ervin Salianji nga Elbasani, duke mbushur të njëjtën sallë, vetëm pak ditë pasi Sali Berisha kishte zhvilluar një takim me demokratët atje, ka shkaktuar dukshëm zemërim te kryedemokratit.

Këtë të mërkurë, ai paralajmëroi përjashtimin e Salianjit, me pretendimin se sallën e mbushi me ndihmën e Suel Çelës, personazhit i cili nga SPAK akuzohet si kreu i një organizate kriminale. 

“Për sa i përket takimit të Salianjit, kemi pasur disa informacione që pohojnë se Suel Çela ka qenë organizatori kryesor i takimit. Që një anëtar i kuoptuar i Kryesisë dhe i Këshillit Kombëtar të organizojë, së bashku me Suel Çelën, kriminelin më të rrezikshëm, një takim të tillë, është absolutisht e papranueshme dhe kurrë nuk mund të kalojë. Në këtë kontekst, ai që ndërmerr një veprim të tillë ka tejkaluar vijën e kuqe dhe është plotësisht përgjegjës për veprimet e tij”, tha Berisha.

Ndërhyrja e Suel Çelës u pretendua nga Flamur Noka edhe në mbledhjen e kryesisë të pak ditëve më parë. Ai akuzoi Salianjin, se përmes Suel Çelës ka presionuar demokratët të mos marrin pjesë në Foltoren e Sali Berishës.

Por Salianji paralajmëroi se do të flasë me fakte për lidhjet e lidershipit demokrat me këtë eksponent, duke i kujtuar Flamur Nokës akuzat e Gazment Bardhit në 2021 se bashkëpunonte me të, për mbledhjen e firmave për Kuvendin e Rithemelimit.

Përballja Berisha-Salianji nisi pak javë më parë kur ish-deputeti dhe anëtari i kryesisë nisi një lëvizje për ringritjen e PD-së, në kushtet kur sipas tij mungon reflektimi për humbjet e njëpasnjëshme.

K.B/I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sala: 17/12/2025 15:36

    Kete informacion re Sale ne ketu i dinim 2 dite para se te behej mbledhja e keshillit kombetar i PD-se qe salla do ishte plot brenda dhe jashte teatrit dhe kush do ta organizonte.

    Përgjigju
  • Gabim politik: 17/12/2025 13:52

    Nuk duhet te largohet Salianji por te behet sekretar i partise se opozites keshtu kemi rritje ne antar te rinj

    Përgjigju
  • Sondazhi i ditës: 27 Mars, 08:12

    Rritja e çmimit të ushqimeve, a duhet të marrë masa qeveria për të mbrojtur konsumatorët?

Lajme të tjera