Akuzat Thaçi-Berisha/ Meta: Mund të sponsorizohen për të thelluar ndarjet midis Shqipërisë dhe Kosovës

Presidenti Meta në studion televizive  “Debat Plus” në TV Dukagjini,  është pyetur nga gazetarët edhe  në lidhje me akuzat që kanë hedhur së fundmi presidenti i Kosovës, Hashim Thaçi dhe ish-kryeministri i Shqipërisë Sali Berisha.

Gazetari: Ka aq deklarata dhe qëndrime të ashpra dhe të ulëta ndërmjet Kosovës e Shqipërisë, posaçërisht mes zotit Berisha dhe zotit Thaçi, sa që neve po na duket se ato po helmojnë opinionin edhe në Shqipëri, edhe në Kosovë. Ju lutmë, a ekzistojnë këto dy vija, apo jo?

Presidenti Meta: Unë nuk kam dëshirë të bëhem pjesë e perceptimeve që mund të jenë krijuar, apo që sponsorizohen për të thelluar ndarjet midis Shqipërisë dhe Kosovës a faktorëve të caktuar, apo për të rreshtuar këtu faktorë në unison me disa faktorë të tjerë.

Unë refuzoj hapur të bëhem pjesë e këtyre ndarjeve dhe keqkuptimeve apo konfuzioneve që nuk e paraqesin mirë faktorin shqiptar në tërësi, me pjekurinë e duhur dhe me vetëpërmbajtjen e duhur në çaste vendimesh të rëndësishme, por mund t’ju them me siguri të plotë se qëndrimet e mia që, në thelb, janë pak a shumë ato që ju shpreha që në fillim për çështjen e dialogut Kosovë-Serbi."

Lajmi kryesor:

'Opozita veprim të papranueshëm, duhet gjetur rruga drejt zgjedhjeve', Meta: Dialogu me Serbinë përgjegjësi e Kosovës, jo e Tiranës

TAG:
• Ilir Meta
• shqiperia
• kosove
• kufijte e kosoves