VLORË- Me vendim të Gjykatës së Apelit në Vlorë, marrë më 7 korrik, është sekuestruar një pallat 8 katësh në lagjen “Pavarësia” që ndodhet në fazë ndërtimi. Prokuroria u nxit të hetojë pas kallëzimit të një qytetari, i afërm i pronarëve të tokës ku është ndërtuar pallati, të cilit gjatë fazës së punimeve, i është shembur totalisht shtëpia, që ndodhet jashtë hapësirës së lejes së ndërtimit.
Dy pronarët investitorë, Hito dhe Viktor Muskaj janë shpallur në kërkim, ndërsa nga hetimet e nisura që në vitin 2021, Prokuroria thotë se ka arritur të faktojë se janë falsifikuar dokumente duke përvetësuar 150 m2 tokë shtetërore dhe ka dyshime për pastrim parash.
Leja e ndërtimit është dhënë në emër të të afërmve Muskaj në vitin 2020 nga Bashkia e Vlorës, me bashkëinvestim në masën 80% nga ndërtuesi Bektash Petoshati.
Prokuroria e Vlorës thotë se Hito Muskaj është bërë pronar i një sipërfaqeje ndërtimi 37.3 m2 dhe 150 m2 truall me vendim të Bashkisë dhe Agjencisë Shtetërore të Kadastrës, mbi bazën e një dokumenti të falsifikuar. Konkretisht, Hito Muskaj ka paraqitur një dokument: “ “Leje ndërtimi e meremetimi” të vitit 1986 nga K.E i Këshillit të Popullor Vlorë, që prokuroria thotë se është provuar që është i falsifikuar në formë dhe përmbatje. Mbi bazën e këtij dokumenti të falsifikuar për pronësinë e 150 m2 truall (që hetimet zbuluan se rezulton të jetë tokë shtet), është marrë edhe leja e zhvillimit dhe ndërtimit, për 2 sipërfaqe të ndryshme, 416.8 m2 dhe 150 m2 dhe aktualisht ndërtuesi Petoshati ishte duke e çuar pallatin në fazën përfundimtare. Në një reagim për media ai tha se e gjitha bie në kurriz të tijin dhe të qytetarëve që kanë prenotuar apartamente në këtë pallat.
Ndërkohë, personit që ka bërë kallëzimin, J. Muskaj, i afërm me pronarët e tokës, në korrik të vitit 2021, gjatë fazës së ndërtimit të pallatit, i është shembur totalisht godina në pronësi të tij, veprime këto që sipas prokurorirsë, dyshohet se janë kryer tej parashikimeve të lejes së ndërtimit dhënë nga Bashkia e Vlorës. Vendimi i Apelit u mor me kërkesë të prokurorit, as një muaj larg vendimit të Shkallës së parë dhënë më 19 qershor 2022, që në fakt nuk kishte vendosur sekuestron e pallatit.
(Kliko këtu për të lexuar dokumentin e plotë)
Bektash Petoshati, ndërtuesi i pallatit i cili është sekuestruar nga Gjykata në Vlorë ka thënë për mediat se ai vetë, që është edhe investitor në masën 80%, nuk e ka të qartë se çfarë ka ndodhur. Sipas tij pronarët thonë se dokumentet janë në rregull! Sipas tij bëhet fjalë për një falsifikim që mund të jetë bërë para 20 vite
“Unë jam ndërtuesi dhe jam investitor në masën 80%. Unë kisha dëgjuar disa herë, pasi pala tjetër që pretendon për objektin ka kontaktuar disa herë me mua. U kam thënë personave që kanë kontratën me mua që ta zgjidhin këtë situatë sepse po rëndohem për një gjë që s’ka lidhje me mua. Më kanë thënë që e kemi të saktë.
Janë 2 pronarë, prona e parë më kanë thënë që është shumë në rregull. Tjetra, një banesë 37.5 metra katrorë pretendohet se është një dokument i falsifikuar që unë nuk e kam parë. Për mendimin tim vendimi i gjykatës është i pandershëm. Ne do të bëjmë ankimin sipas ligjit”, ka thënë ai.
Certifikata që ka dalë nga ZVRPP Vlorë është shumë e rregullt por bëhet fjalë për një falsifikim të bërë 20 vite më parë”, ka thënë pronari.
Kjo është godina 8-katëshë në ndërtim që është sekuestruar sot nga Gjykata e Vlorës.
Pronarët e objektit që u sekuestrua nga Gjykata e Vlorës janë Hito Muskaj dhe Viktor Muskaj, të cilët janë shpallur në kërkim.
Komente
Lajme të tjera
-
Njëri i dënuar me 20 muaj burg për shitje droge dhe tjetri me masë arresti për goditje për shkak të detyrës, 2 të arrestuar në Vlorë dhe Sarandë
27 Nëntor, 15:07 -
Vlorë/ U kap me makinë “Range Rover” të vjedhur në Itali, Policia procedon për trafik mjetesh 34-vjeçarin
27 Nëntor, 13:16 -
Himarë/ Plagosi me thikë burrin e motrës, arrestohet 27-vjeçari
27 Nëntor, 12:52 -
Reportazh/ Fshati Bajkaj i Delvinës në 'luftë' me etjen! Një dramë njerëzore mes premtimeve të pambajtura dhe shterimit të burimit të ujit
27 Nëntor, 10:27
-
Vlorë/ 250 punonjës të Fasonerisë në protestë për kushtet e punës, 8 muaj nuk paguhen siguracionet
27 Nëntor, 09:06
-
U shkarkua në 2021 pasi nuk provoi burimin e ligjshëm të pasurisë, KPA lë në fuqi vendimin e KPK për gjyqtarin e Apelit të Vlorës, Nazmi Troka
26 Nëntor, 09:23 -
Vlorë/ Digjen një makinë dhe një motor në një banesë rrugës për në Kaninë, dyshohet e qëllimshme (VIDEO)
26 Nëntor, 09:00 -
Shisnin fishekzjarrë pa leje në Vlorë, në hetim pronarët e 3 dyqaneve
23 Nëntor, 11:20 -
Fusha e mbetjeve në Vlorë 2 ditë në flakë, tymi mbulon zonën! Banori për Report Tv: Problem i madh, bllokohemi me erën e mbeturinave (VIDEO)
23 Nëntor, 08:29 -
Vlorë/Sërish zjarr në fushën e mbetjeve! Zjarrfikësit në 'luftë' me flakët (VIDEO)
22 Nëntor, 18:31 -
Aksident në fshatin Lapardha të Vlorës! Shoferi humb kontrollin e mjetit dhe del nga rruga
22 Nëntor, 16:46 -
Moti i keq përfshin Vlorën, mbetet i pezulluar lundrimi në det! Ndërprerje energjie në disa zona
22 Nëntor, 12:44
Te vetmit qe do te dalin te humbur jane ata qe kane bere parapagim. Si gjithmone e ha i pafajshmi dhe shteti qe duhet te dali ne mbrojtje ben sehir.
PërgjigjuPo pse nuk i lane dhe ta suvatonin e lyenin??
PërgjigjuOpa bektashi me makaronadha oktapodi.po ku i gjete leket o Bimbash????mase terheq kemben zvarr per te tjere.
PërgjigjuBektash Petoshati po pastron leket e tija qe vodhi ne Bazene e Pashalimanit dhe te krushkut Kosta Vjero qe ka vjedhur si doganier 20 e kusurr vjet.A moj Vlore te kam dhjere s,te mora vesh njehere
PërgjigjuTe gjithe ket zullum ne vlore i kemi nga kryekrimineli shpetim gjika.
PërgjigjuPo pse vetem ajo godine eshte. 80% e pallateve ne Vlore jane ndertuar ne toke shteti dhe me para krimi. Ti futesh me themel aty, o nene, o nene ca zbulon. Qenka bere esell prokuroria e Vlores.
Përgjigju