U sekuestrua pallati, ndërtuesi: Pronarët thonë se dokumentet janë në rregull! Bëhet fjalë për një falsifikim që mund të jetë bërë para 20 vite

 

Bektash Petoshati, ndërtuesi i pallatit i cili është sekuestruar nga Gjykata në Vlorë ka thënë për mediat se ai vetë, që është edhe investitor në masën 80%, nuk e ka të qartë se çfarë ka ndodhur. Sipas tij pronarët thonë se dokumentet janë në rregull! Sipas tij bëhet fjalë për një falsifikim që mund të jetë bërë para 20 vite

“Unë jam ndërtuesi dhe jam investitor në masën 80%. Unë kisha dëgjuar disa herë, pasi pala tjetër që pretendon për objektin ka kontaktuar disa herë me mua. U kam thënë personave që kanë kontratën me mua që ta zgjidhin këtë situatë sepse po rëndohem për një gjë që s’ka lidhje me mua. Më kanë thënë që e kemi të saktë.

LEXO EDHE:
Shpërthen Spahiu: Pas fushatës antishqiptare me plazhe bosh, e njëjta “dorë” po i vë zjarrin bregdetit

Janë 2 pronarë, prona e parë më kanë thënë që është shumë në rregull. Tjetra, një banesë 37.5 metra katrorë pretendohet se është një dokument i falsifikuar që unë nuk e kam parë. Për mendimin tim vendimi i gjykatës është i pandershëm. Ne do të bëjmë ankimin sipas ligjit”, ka thënë ai.

Certifikata që ka dalë nga ZVRPP Vlorë është shumë e rregullt por bëhet fjalë për një falsifikim të bërë 20 vite më parë”, ka thënë pronari.

Lajmi kryesor:

Sekuestrohet pallati 8-katësh në Vlorë, shpallen në kërkim dy pronarët! Leja e ndërtimit me dokumente false, një pjesë e truallit tokë shtet (VIDEO)

K.T./Shqiptarja.com

TAG:
• Vlore
• hito muskaj
• viktor muskaj