Nuk na mjaftuan shekuj, dëshmi, letërsi, legjenda, gojëdhëna për të na treguar si në pasqyrën e Shtrigës tek Borëbardha se jemi ne dhe vetëm ne, shqiptarët, armiqtë më të përbetuar të njëri-tjetrit. Gazmend Bardhi, një politikan i ri dhe në shumë momente ndryshe nga politikanë vetëm anatemues dhe pa logjikë konstruktive, për fat të keq e përsëriti dhe e ripërsëriti edhe gjatë tavolinës së rrumbullakët në Tiranë për bisedat e Stabilizim-Asocimit, në prani të eurodeputetëve: “Nuk dialogojmë me deputetët e mazhorancës! Mbajeni për vete ju këtë mazhorancë!” Ishte thelbi.
Në një botë ku diplomacia botërore, europiane dhe ajo e Shteteve të Bashkuara synojnë nxitjen e dialogut mes Izraelit dhe Palestinës, apo Rusisë e Ukrainës, kur bota e civilizuar nxit dialogun dhe bashkëjetesën mes racave të ndryshme, gjinive të ndryshme, kombësive të ndryshme, imagjinoni se si mund të duket për ta një debat mes Flamur Nokës dhe Elisa Spiropalit dhe sidomos, kur ky debat rrezikon që të bëhet pengesë në integrimin e Shqipërisë në familjen e madhe europiane.
Mazhoranca dhe opozita kishin një detyrë të qartë këtë herë: Të miratonin (ose të abstenonin) Rezolutën e përbashkët nga kjo tavolinë e rrumbullakët, por jo ta bojkotonin. Kjo detyrë e rëndësishme dhe e thjeshtë u bojkotua nga përfaqësuesit e opozitës në tavolinë. Burokratët e Bashkimit Europian janë fare të ftohtë: Ne ju japim detyra për të bërë dhe ju duhet t’i zbatoni me përpikmëri ato. E zeza mbi të bardhë nuk ndryshon mendimin e askujt nga të bërtiturat apo molotovi i opozitës.
Kur ambasadori i Delegacionit të BE-së në Tiranë, Silvio Gonzato, u pyet nga gazetarët se a do të kontribuonte ai për këtë dialog, u shpreh se e bënte me këmbëngulje, por se “edhe pse i pëlqen muzika, ai nuk mund të jetë dirigjenti i kësaj orkestre”. Nëse duhet të futemi në Bashkimin Europian, na takon neve të tregojmë se veç reformave, kemi evoluuar edhe thellësisht dhe kemi kapërcyer mentalitete të ngurta, rozafërrëzuese të së shkuarës sonë problematike.
Frika më e madhe e botës së qytetëruar, e diplomacisë së përparuar europiane dhe të Shteteve të Bashkuara të Amerikës është mungesa e dialogut! Eksperiencat më të dhimbshme kanë treguar se aty ku vdes dialogu, zë vend vetëm lufta, pas saj vdekja dhe pas vdekjes hiçi! Asgjë!
Nëse ne shqiptarët, për cilatdo arsye, të vlefshme apo të pavlefshme, ngulim këmbë se mes nesh nuk kemi asgjë për të biseduar, kjo do të ishte pasoja e drjetpërdrejtë vetëshkatërruese. Gjë që, nga të gjitha gjasat, shumica e shqiptarëve, as kanë ndërmend ta ndërmarrin apo të ndjekin në këtë rrugë ndokënd.
Komente
Lajme të tjera
-
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Spiropali uron besimtarët për Krishtlindjet: Jezu Krishti na tregon se dashuria është forca më e madhe njerëzore dhe jo sundimi, pushteti apo pasuria!
24 Dhjetor, 17:48 -
Protesta/ PD kallëzon në SPAK dhe te Prokuroria e Tiranës ministrin Hoxha, kryepolicin Proda dhe zinxhirin komandues: Ushtruan dhunë! (DOKUMENTI)
24 Dhjetor, 16:59 -
Amerika po planifikon të tërhiqet nga Organizata Botërore e Shëndetësisë
24 Dhjetor, 14:47 -
SHBA/ Komisioni i Etikës akuzon ish-ligjvënësin e Floridas, Matt Gaetz se pagoi rregullisht për seks, përfshirë një minorene
24 Dhjetor, 14:45 -
Mori çantën e shpinës me dhurata në stacionin e trenit, Parashqevi Simaku i bëri kërkesë gazetares: A mund të më gjeni vajzën që e ka bërë këtë
24 Dhjetor, 12:59 -
Lista serbe jashtë zgjedhjeve, ndërkombëtarët: Veprim politik! Vuçiç: Kurti po eleminon të vetmin kundërshtar
24 Dhjetor, 12:16
-
Protesta e PD-së, 7 të arrestuar, 21 protestues në hetim! Noka goditi efektivin, procedohet penalisht bashkë me 39 deputetë e zyrtarë të opozitës (EMRAT)
24 Dhjetor, 09:44 -
Elon Musk: Inteligjenca Artificiale do të tejkalojë zgjuarsinë e njerëzve brenda vitit 2030
24 Dhjetor, 09:15 -
E zënë ethet, ish-presidenti amerikan Bill Clinton shtrohet në spital me temperaturë të lartë
24 Dhjetor, 07:08 -
Luigi Mangione deklarohet i pafajshëm për akuzat shtetërore për vrasjen e CEO-s Brian Thompson
23 Dhjetor, 22:52 -
Perëndimi shpreh shqetësim për moscertifikimin e Listës Serbe
23 Dhjetor, 21:32
Perpjekjet e fundit per te penguar popullin me te vjeter qe ka Europa ti bashkohet families Europeans,nga partite qe financohen nga shtetet armike te Shqiperise po i vjen fundi cdo bllokade demton Shqipetaert jo PS kta e dijne shume mire prandaj, Lamtumire shkoni ne rr somes te gjith pa perjashtim kush ti ket shkaktu vuajtje Shqipetareve.
PërgjigjuEshte tmerrshme se si keta kriminel po vazhdojne ti bejne shqiperis deme te pallogaritshme, une nuk e di se si por ketij gjarpri i duhet prer koka sa seshte vone dhe kete mund ta bej ky popull vetem me vote dhe shperfillje te plote ndryshe do vazhdojne te na helmojne akoma me keq ,keta vetem opozite nuk jane, nuk jane o popull.
Përgjigju