POP 5

Lajmet më të lexuara të 5 minutave të fundit

Opinion

Periferi

Alba Malltezi: Vetëgjyqësi dhe heshtja shurdhuese pas shpërthimit të Sarandës!

Ende asnjë reagim i fortë dhe i qartë për ngjarjen e rëndë të Sarandës! Qytetarët të pasqaruar se ç'ishte ai shpërthim i padëgjuar ndonjëherë në zemër të qytetit të tyre

Alba Malltezi: Vetëgjyqësi dhe heshtja shurdhuese pas shpërthimit të Sarandës!

Hoteli i rrenuar ne shetitoren e Sarandes

Të hedhësh në erë një hotel të tërë buzë shëtitores në Sarandë, duhet ta ndjesh veten përmbi qytetarët e këtij qyteti të mrekullueshëm, përmbi institucionet, përmbi bukurinë që me mundim po mbledh veten, përmbi ekonominë, turizmin, përmbi qytetarinë e përmbi Shtetin.

Në Shqipëri, në forma dhe përmasa të ndryshme disa individë e ndjejnë vetem pikërisht kështu: Të autorizuar të bëjnë gjëmën! Të autorizuar të bëjnë namin nëse në një konflikt punët nuk shkojnë ashtu siç ata dëshirojnë, prandaj dhe heshtja pas tritolit ishte akoma më e zhurmshme. Asnjë autoritet nuk ka dalë akoma të sqarojë qytetarët, asnjë autoritet nuk ka dalë të japë shpjegime se ç’ishte  ai megashpërthim që zgjoi nga gjumi të tmerruar një qytet të tërë.

Në vend që Shteti të ishte i pranishëm me forcën e tij për të dhënë zemër, kurajo, shpjegime të menjëhershme pikëpyetjeve të shumta që ngriheshin nga çdo zemër sarandiote, vetëm një gazetar i Report TV rrotullohej e rrotullohej rreth rrënojava pa marrë asnjë përgjigje.

Prishje imazhi? Frikë se lajmet dëmtojnë turizmin? Nuk është heshtja zgjidhja e plagëve tona që i kemi mbuluar me pak betonarme. Nuk është mungesa e informacionit dhe transparenca totale dhe e menjëhershme e asaj që ndodhi: 30 kilogramë tritol në zemër të një qyteti! Terroristët kanë mbërritur mes nesh, apo është një i çmendur që nuk pret një proces gjyqësor që e ka marrë vendimin pa pyetur për të tjerët? Nëse sot nuk ndjehet Shteti, të tjerë të çmendur do ta ndjejnë veten përherë e më të autorizuar të bëjnë atë që askush nuk e pret. 

a.m./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ciftelia: 13/02/2023 10:54

    Po 10 vjet sorollatje gjykatash, i paska ikur petlla robit. E ka ber si Francesca Cimarosa për tu çliruar nga makthi i pafund.

    Përgjigju
    • samiu: 13/02/2023 13:45

      ky eshte shteti me gjytar me 6 muj kurs ne plepa

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Deputeti i LDK: Veprimet e qeverisë Kurti, e kanë kthyer presionin e Perëndimit ndaj Kosovës

Deputeti i LDK: Veprimet e qeverisë Kurti, e kanë kthyer presionin e Perëndimit ndaj Kosovës

27 Nëntor, 22:16