POP 5

Lajmet më të lexuara të 5 minutave të fundit

Kosova & Rajoni

Albin Kurti: Pas sulmit në Zubin Potok fshihen grupe ekstremiste dhe terroriste serbo-ruse! Duan destabilizimin e Kosovës

Kryeministri i Kosovës Albin Kurti, thotë se pas sulmit në Zubin Potok mund të fshihen grupe ekstremiste dhe terroriste serbo-ruse me lidhje të forta në Serbi.

Kryeministri i Kosovës Albin Kurti

Kryeministri i Kosovës Albin Kurti, thotë se pas sulmit në Zubin Potok mund të fshihen grupe ekstremiste dhe terroriste serbo-ruse me lidhje të forta në Serbi.

Përmes një postimi në rrjetet sociale, ditën e sotme, Kuri i referohet një sërë emblemave të gjetura së bashku me municione nga aksioni i policisë së Kosovës pas shpërthimit në kanalin e ujit. Emblemat janë si të ushtrisë ruse dhe serbe, por edhe të grupeve paramilitare.

Kurti jep alarmin dhe thotë se ndaj këtyre aksioneve terroriste që rrezikojnë të gjithë sigurinë në rajon, duhet një reagim vendimtar dhe i unifikuar.

'Pas bastisjeve në veri të Kosovës, në lidhje me sulmin kinetik terrorist të datës 29 nëntor 2024 ndaj kanalit të Ibër Lepencit, janë konfiskuar armë, uniforma dhe pajisje të ndryshme, si dhe janë gjetur emblema ruse dhe serbe të strukturave të inteligjencës, ushtrisë dhe sigurisë.

Ky zbulim shqetësues dëshmon për përfshirjen potenciale të grupeve ekstremiste dhe terroriste serbo-ruse, me lidhje të forta në Serbi, që kanë për qëllim destabilizimin e Kosovës dhe krijimin e një mjedisi të pasigurt në rajon.

Stabiliteti dhe paqja në Ballkan kërkojnë një reagim të unifikuar dhe vendimtar kundër këtyre aksioneve terroriste dhe aktiviteteve destabilizuese që rrezikojnë sigurinë e përgjithshme dhe vlerat demokratike në rajon',. shkruan ai. 

Kosova fajëson Serbinë për sulmin në kanalin e ujit të Ibër-Lepencit ndodhur mbrëmjen e 29 nentorit 2024. Serbia mohon se qëndron prapa sulmit dhe ka thënë se ka nisur hetimet e veta për këtë rast. Kanali Ibër-Lepenc furnizon me ujë nga Liqeni i Ujmanit gjithë veriun e Kosovës, rajonet e Mitrovicës, Prishtinën me rrethinë, si dhe Korporatën Energjetike të Kosovës për ftohjen e termoelektranave të saj. Sulmi në Zubin Potok është dënuar ashpër nga faktori ndërkombëtar.

S.B/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Fatosi-kosove: 09/12/2024 18:14

    JO be allbin sa tju ka ty dhe mender presednike osmanken ne pushtet vuqiqi sdo ta sulmon kurre kosoven sepse me juve qeveris kosoven, keto sulme e shperthime i ban serbia permes jush, sikur ke harruar marreveshjet mes kusarit e radojqiqit,te dy jan njerez tu dhe te vuqiqit, siq thot populli qeni i keq ta sjelle ujkun ne torishte.

    Përgjigju
  • Sondazhi i ditës: 8 Janar, 13:30

    Deri në 700 kWh ulet me 1 lekë çmimi I energjisë për familjet, si ju duket?

Lajme të tjera



×

Lajmi i fundit

Rama: Pensionistët nuk kanë pse presin të mbarojmë zgjedhjet ne! Do e marrin bonusin që në shkurt

Rama: Pensionistët nuk kanë pse presin të mbarojmë zgjedhjet ne! Do e marrin bonusin që në shkurt

8 Janar, 13:24