POP 5

Lajmet më të lexuara të 5 minutave të fundit

Ekonomi

Albpetrol, 170 mln Euro sjell
negocimi, bisedimet këtë javë

Ndonëse këtë javë fillojnë bisedimet për kontratën e shitjes së aksioneve të Albpetrolit, ndërmarrja e naftës, e cila nuk ka ndryshuar ende pronar, shiti në ankand 1 milion USD mallra stoqe. Në pritje është edhe shitja e një sasie të madhe nafte bruto.
Albpetrol, 170 mln Euro sjell <br />negocimi, bisedimet këtë javë
Procedurat për hartimin e kontratës së privatizimit të Albpetrolit mes qeverisë shqiptare dhe konsorciumit fitues ende nuk kanë nisur, por burime nga ministria e Ekonomisë, Tregtisë dhe Energjetikës deklaruan për median se brenda kësaj jave pritet ulja e palëve në një tryezë për të përcaktuar gjithshka që do të sanksionohet më pas në kontratën përfundimtare të privatizimit.
Me mbylljen e kësaj procedure, theksojnë burimet, do të kryhet pagesa e 20% të shumës së ofruar në tender për blerjen e 100 për qind të aksioneve të kompanisë shtetërore të naftës. Më pas, kontrata do të shqyrtohet në Kuvendin e Shqipërisë dhe pas miratimit për privatizim, konsorciumi duhet të derdhë shumën totale të mbetur brenda 25 ditësh. Konsorciumi Vetro Energy u shpall fitues pasi plotësoi kushtin e ofertës më të lartë, prej 850 milionë euro dhe përvojës në sektor.
Mëgjithatë, kjo nuk ka ndalur autoritetet shtetërore që të kryejnë normalisht shitjen e mallrave, që ata i konsiderojnë stok, nga kjo ndërmarrje dhe që kanë rezultuar në një vlerë prej 1 milion dollarësh, duke përfshirë TVSH-në. Në një njoftim të kompanisë, Albpetroli shpalli fituesin për ankandin me objekt shitje mallrash stok, të ndarë në katër lote. Sipas njoftimit, kanë tërhequr dokumentat e ankandit shoqëritë Vëllezërit Picari shpk Tiranë, U.S.C.G.E.I shpk Tiranë, Agron Rrenja person fizik dhe EKLIPS 13 shpk Fier.
Rezulton se kanë qenë pjesëmarrës në procedurën e ankandit Agron Rrenja dhe EKLIPS 13, ndërkohë që komisioni ka zhvlerësuar ofertuesin Rrenja dhe ankandi është fituar nga kompania nga Fieri me çmim 82 milionë lekë pa TVSH.
Në të njejtën kohë, vazhdon procedura e shitjes në ankand të një sasie të madh nafte bruto, prej 100 mijë tonësh, e cila është shtyrë disa herë. Ndërmarrja shtetërore nëpërmjet shitjes së kësaj sasie synon të arrijë të grumbullojë 52 milionë dollarë. Lidhur me këtë procedurë të fundit, gjatë shtyrjeve të procesit, ministria e Ekonomisë, Tregtisë dhe Energjetikës ka vendosur që të ndryshojë kushtet e kërkuara. Sipas një urdhëri nga kreu i këtij dikasteri, që ligjërisht është edhe pronari i kompanisë, në emër të shtetit, ndër ofertuesit nuk do të pranohen kompani, të cilat i kanë detyrime financiare Albpetrolit. Ky kusht nuk ishte vendosur më parë në dokumentat e ankandit. Një kusht i tillë, të paktën teorikisht, përjashton nga procesi kompaninë ARMO, e cila ka patur probleme gjyqësore me Albpetrolin për shkak të një shifre të madhe detyrimi të papaguar prej vitesh, që, sipas burimeve nga gjykatat, është në masën 5 miliardë lekë të reja.

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Në pranga me urdhër të SPAK, ish-gjyqtarja Pajtime Fetahu porositi vrasjen e gazetarit Saimir Kodra, krimi do të kryhej nga grupi Çopja

Në pranga me urdhër të SPAK, ish-gjyqtarja Pajtime Fetahu porositi vrasjen e gazetarit Saimir Kodra, krimi do të kryhej nga grupi Çopja

25 Nëntor, 22:34