POP 5

Lajmet më të lexuara të 5 minutave të fundit

Ekonomi

Albpetrol, superliçencë për
gazin para privatizimit

Pak ditë para privatizimit, Albpetrol ka marrë një superlicensë: atë të shpërndarjes së gazit natyror. Bordi i Komisionerëve të ERE-s vendosi që të licensojë shoqërinë “Albpetrol” sh.a., në aktivitetin e shpërndarjes të gazit natyror, për një afat 30-vjeçar.
VIDEO- Dervishaj: "Vetro" pikët maksimale
TIRANE- Pak ditë para privatizimit, Albpetrol ka marrë një superlicensë: atë të shpërndarjes së gazit natyror. Sipas vendimit të Entit Rregullator të Energjisë, me numër 119, datë 22 gusht 2012, aplikimi i shoqërisë “Albpetrol” sh.a., për licencimin në aktivitetin e shpërndarjes së gazit natyror plotëson kërkesat e parashikuara nga ERE-ja në rregulloren për procedurat e licencimit, modifikimit, transferimit të plotë/të pjesshëm dhe rinovimit të licencave. Prandaj Bordi i Komisionerëve të ERE-s vendosi që të licensojë shoqërinë “Albpetrol” sh.a., në aktivitetin e shpërndarjes të gazit natyror, për një afat 30-vjeçar.

Shoqëria “Albpetrol” sh.a. do të paguajë fillimisht vetëm tarifën e aplikimit në momentin e miratimit të saj nga ERE-ja dhe detyrohet të zbatojë të gjitha detyrimet që burojnë nga ligji nr. 9946, datë 30.6.2008 “Për sektorin e gazit natyror” dhe kushteve të licencës.

Marrja e kësaj license do të jetë një pasuri e paçmuar për pronarin e ardhshëm të Albpetrol, sepse ai do të ketë si aset të rëndësishëm shpërndarjen e gazit që do të vijë nga gazsjellësi TAP nga Azerbajxhani në Shqipëri.

SPAHIU SOT: DEPUTETE MOS E VOTONI
Ndërkohë që kreu i Aleancës Kuqezi në një takim për pasuritë nëntokësore të Shqipërisë që po zhvillohet sot paradite në Hotel Tirana I bën apel “deputetëve të rrëzojnë pr/ligjin për privatizimin e Albpetrol”.
“Berisha po i ngec përgjegjësinë kolektive Albpetrol”- zyra e shtypit e Aleancës citon të ketë thënë Spahiu.

DJE U SHPALL FITUESI
Kryetari i Komisionit të Vlerësimit të Ofertave për privatizimin e saj, zv.ministri i Ekonomisë, Tregtisë dhe Energjetikës Sokol Dervishaj ka bërë dje publike vlerësimet e ofertave nga ky Komision, ku në vend të pare, me gati 98 të pikëve, nga  100 të mundshme, figuron një konsorcium, i cili paraqiti një ofertë financiare me vlerë 1.1 miliard dollarë amerikanë. Komisioni i Vlerësimit të Ofertave do të çojë pas pak ditësh për miratim në Këshillin e Ministrave renditjen e kompanive që morën pjesë në tenderin për privatizimin e Albpetrol, ku konsorciumi Vetro Energy dhe Silkroad Equity rezulton se ka marrë pikët maksimale në procesin e tenderit.
(gk/sg/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Efektivi bie nga lartësia e pallatit në Tiranë, dërgohet te Trauma! Nuk dihen shkaqet

Efektivi bie nga lartësia e pallatit në Tiranë, dërgohet te Trauma! Nuk dihen shkaqet

15 Janar, 18:35