POP 5

Lajmet më të lexuara të 5 minutave të fundit

Kronikë

Aldo Hoxha, tension në gjyq
familjarët qëllojnë prokurorin

Në fund të seancë gjyqësore e motra e të pandehurit është shkëputur nga familjarët dhe i është afruar prokurorit të çështjes duke e  qëlluar me çantë dhe madje në një moment ka tentuar ta qëllojë me dorë.(Foto: motra e Aldo Hoxhës me rreth të kuq)
TIRANE - Incident në sallën e gjyqit të  Gjykatës së Tiranës ku po gjykohet Aldo Hoxha i akuzuar për vrasjen e Fatbardha Hoxhës, në tentativë për të grabitur një varëse më 7 gusht 2012.

Në fund të seancës gjyqësore e motra e të pandehurit është shkëputur nga familjarët dhe i është afruar prokurorit të çështjes, Endrit Bimi duke e  qëlluar me çantë dhe madje në një moment ka tentuar ta qëllojë me dorë.

Është dashur ndërhyrja e forcave të policisë që ndodheshin jashtë sallës së gjyqit që të merrnin situatën nën kontroll.

Ndërkohë që në seancë ishin të pranishëm vetëm dy policë.

Me ndihmën e policëve që erdhën në sallë u bë izolimi i vajzës dhe më pas shoqërimi në komisariat.

Vetë prokurori nuk ka bërë asnjë veprim, ndërkohë që avokati mbrojtës Sajmir Visha ka kritikuar ashpër veprimin e familjarëve dhe ka ndërhyrë për të ndërprerë veprimet e dhunshme.
 
 SEANCA

Para se të ndodhte incidenti avokati kërkoi dhe një provë të re nga gjykata, para se të lexojë konkluzionet përfundimtare të mbrojtjes.

Visha kërkoi riespektim të kapelës,  për të parë nëse i përshtatet apo jo kokës të pandeurit të tij. Kapelja e dorëzuar nga familjarët e viktimës Fatbardha Tafa është një nga provat kryesore të prokurorisë, ndërkohë që Aldo Hoxha pretendon se nuk është e tija.  
 
Këtë kërkesë gjykata e rrëzoi. Atëherë avokati kërkoi kohë që të jepte konkluzionet përfundimtare. Gjykata e pranoi dhe séance u shty më 27 nëntor.
 
VRASJA NE GUSHT
Dy motrat, Fatbardha Tafa, 38 vjeçe dhe Lumturie Gjana kishin dalë për të bërë xhiron e mbrëmjes në shëtitoren pranë ish- fushës së Aviacionit kur janë bërë pre e grabitjes nga dy të rinj të cilët lëviznin me motorçikletë. Katër ditë pas vrasjes Aldo Hoxha u arrestua, por 20 vjeçari nuk e pranon vrasjen. Ndaj Hoxhës, prokuroria kërkon dënimin burg për jetë.


motra e aldo hoxhes
(Ne foto: majtas Aldo Hoxha dhe djathtas ne rreth te kuq motra e Aldo Hoxhes e pranishme  në një nga seancat gjyqësore)

Redaksia online
(sg/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

11 vjet nga mbledhja e parë historike e qeverive Kosovë-Shqipëri

11 vjet nga mbledhja e parë historike e qeverive Kosovë-Shqipëri

11 Janar, 17:47