E ardhmja e Alessandro Del Pieros ndoshta po fillon të lidhet shumë këtë merkato, me gjuhën angleze. Premier League e ka joshur prej kohësh legjendën e bardhezinjve dhe tashmë ish kapiteni i Juves duket se po thotë "yes".

"Anglia ka një kampionat mjaft të fortë dhe fantastik. Ky është një vend ku futbolli përjetohet shumë mirë" tha Del Piero, duke lënë të kuptojë se po mendons eriozisht ofertat. Londra mund të jetë një destinacion i pëlqyer për "Pinturicchio" dhe familjen e tij. Arsenal, Tottenham dhe Qpr nuk e kanë fshehur edhe publikisht, dëshirën për të marrë Del Pieron.

Aventura e italianit në SHBA, mund të shtyhet për më vonë, pas ofertave nga një kampionat spektakolar si Anglia. Më shumë se kurrë, tashmë do të vendosë familja e Del Pieros, pas mbylljes mes lotëve të avrnturës te Juventus. (rb/shqiptarja.com)