Aleatët e vegjël opozitarë konsultohen me Bashën para takimit me Metën

Kryetari i PD-së, Lulzim Basha mesditën e sotme zhvilloi një takim në selinë blu me aleatët e vegjël opozitarë. Takimi me liderin e PD-së erdhi pak orë para se aleatët e Bashës të takojnë Presidentin Meta pasditen e sotme, raporton gazetari i Report Tv, Elis Memelli.

Kreu i LZHK-së, Dashamir Shehi në përfundim të takimit është shprehur jashtë kamerave se në qendër të bisedës ka qenë situata politike pas dekretit të Presidentit për anulimin e zgjedhjeve.

Gjithashtu pjesë e diskutimit mes Metës dhe aleatëve ishte edhe aksioni opozitar. Në takim nuk ishte Fatmir Mediu, pasi ndodhet jashtë vendit, ndërsa kreu i PDIU-së nuk ishte në tryezë me aleatët e tjerë, por zhvilloi një takim kokë më kokë me Bashën.

Pas anulimit të dekretit për zgjedhjet lokale të 30 qershorit, presidenti Ilir Meta pasdite nis konsultimet me partitë politike për caktimin e një date të re për zgjedhjet. Takimet do të nisin sot pasdite në orën 19:00 me krerët e partive të Grupimit të Qendrës së Djathtë, aleatë të PD.

d.ba./Shqiptarja.com
Komento

Komente

  • Tahir Tarfyci: 12/06/2019 18:17

    Qenkan mbledhur celula e krimit me famir gerdecin dhe lulash vrastari.Duan icik pushtet te shkretet.Ju sugjeroj te ndjekin Pak sondazhin ne report tv sonte edhe te bejn llogarin se kur mund te pyes njeri per keto lloj monstrash.Me thot mendja se pa u ber ndonje dallavere si perher keto me cduken bathet nga viti 2025 mbase.Sa keq me vjen ,i iku rinia mbas koqeve te rames te shkretit lulas.I uroj fat derdimenit.

    Përgjigju