Ali Podrimja përjetësohet në bronz
nga artisti Luan Mulliqi

GJAKOVE- Në dyvjetorin e ndarjes nga jeta të poetit kosovar Ali Podrimja,në orët e mbrëmjes së ditës së hënë, në Gjakove u përurua shtatorja në bronz, vepër e skulptorit, akademik Luan Mulliqi, njëherazi ish mik i poetit Podrimja. Në shkollën e mesme të muzikës “Prengë Jakova”, në breg të lumit, në shkollën ku është ulur për herë të parë në bankat e shkollës poeti i madh kombëtar, Ali Podrimja, në ndërtesën ku është ngritur shkolla e pare shqipe në Gjakove, ishin mbledhur qytetarë të shumtë të Gjakovës dhe të rrethinave përreth, intelektualë nga trojet shqiptare, krijues dhe përfaqësues të Shoqatës së Krijuesve të Mërgatës Shqiptare në Suedi, miq të poetit nga viset shqiptare e më gjerë.