TIRANË- Kreu i Grupit Parlamentar të PD, Enkelejd Alibeaj shmangu një konferencë për mediat në fundvit, por pasqyrën e një viti të vështirë për selinë blu, e bëri përmes një reagimi në rrjetet sociale. Të përçarë mes veti, Alibeaj lëshon akuza kundrejt kryeministrit Edi Rama dhe ish-kryeministrit Sali Berisha se po mbajnë peng opozitën për interesat e tyre personale. Teksa i cilëson si dy vjetërsira, Alibeaj shkruan se Berisha e Rama po mbajnë njëri-tjetrin, se të vetëm nuk do ta kenë të gjatë në skenën politike.
Akuzave të Berishës se janë të shitur tek Rama, Alibeaj iu përgjigjet me të njëjtën monedhë. Ai shkruan se Berisha prej vitesh ka bërë marrëveshje me Ramën, e sipas tij këto kompromise i bëjnë të duken lojtarë të fortë në politikë, por njërin e quan të zhytur në korrupsion, e tjetri thotë se ka mbi shpinë vulën e ‘non gratës’.
Synimi për vitin 2023, Alibeaj thotë se është rrëzimi i këtij regjimi që ka kapur Shqipërinë, teksa përballen me një sistem patronazhist, me një qeveri që ka kapur çdo institucion, mes tyre kreu i Grupit të PD thotë se edhe drejtësinë. Alibeaj thotë se për ta arritur qëllimin e tyre s’do të bëjnë kompromise, por do të përballen deri në largimin e të dyve.
Për Alibeajn është koha që opozita të ofrojë alternativa dhe figura të pakompromentuara që janë të papërfshirë në afera korruptive. Ky i fundit i ka mbyllur dyert e bashkëpunimit pjesës tjetër të PD të drejtuar nga Sali Berisha, duke iu shmangur edhe drekës festive që bëri bashkë demokratët e të kampeve dy ditë më parë.
Postimi i plotë
2022! Ky ishte një vit i vështirë për demokratët dhe pa dyshim një nga më të vështirët e tranzicionit të gjatë për shqiptarët. Në kushtet e një regjimi që ka hedhur rrënjë në çdo hallkë të shtetit, ku drejtësia e ka gjithnjë e më të vështirë të jetë funksionale dhe e drejtpërdrejtë, ku opozita po kalon kohën më të madhe në përçarjet mes vetes dhe halleve personale, qytetarët e thjeshtë e kanë vërtet të vështirë të ringrejnë shpresën për ndryshimin që kërkojmë të gjithë.
Të mundësh një regjim të instaluar nga hallka më e fundit dhe deri në majën e shtetit është një mision i vështirë, por jo i pamundur. Për ta bërë këtë, së pari, duhet të jemi të vërtetë me veten, me faktet, me atë që ndodh, dhe mbi të gjitha me alternativën që mund të sjellë ndryshimin. Të mundësh një regjim të mirëstruktuar patronazhist duhet një organizim i fortë, angazhim i strukturave partiake. Por mbështetja dhe vota e elektoratit të pavendosur, të qytetarëve të zhgënjyer nga banaliteti i politikës së ditës, është kusht i domosdoshëm për opozitën që të vijë në pushtet.
Dhe për të bindur këtë kategori, opozita ka nevojë për alternativë dhe figura të pakompromentuara. Për politikanë të papërfshirë në afera korruptive, larg gjuhës së urrejtjes, linçimit. Sepse ky është modeli që shqiptarët kanë parë mjaftueshëm me Edi Ramën. Të mundësh një regjim, mbi të gjitha ka nevojë për moral dhe vërtetësi. Jo nga ato përbetimet e zakonshme të atyre që shahen e kërdisën, e më pas përtypin çdo gjë për hir të karriges. Intrigat, kurthet dhe hilet janë mekanizmat në duart e politikës së vjetër, që përpiqet të mbahet në këmbë me metodat komunistë. Me të njëjtat metoda, Edi Rama dhe Sali Berisha mbajnë sot peng opozitën, e bashkë me të edhe ndryshimin që presin shqiptarët. Dy vjetërsirat e tranzicionit mbajnë njëri-tjetrin në skenën gjysmë të rrëzuar të politikës, me shpresën se pa njërin, as tjetri nuk do e ketë më të gjatë. Lojërat meskine, pazaret dhe marrveshjet, që ndër vite kanë bërë me njëri-tjetrin, i bëjnë të duken lojtarë të fortë, ndonëse të rrënuar nga hija e skandalevë dhe vula e non gratave.
Të mundësh një regjim duhet të largosh bashkë me të edhe të gjithë elementët që e mbajnë në këmbë. Dhe për të arritur këtë qëllim, nuk ka rrugë të mesme, nuk ka kompromise. Balta që prodhon regjimi dhe aleatët e tij, kurthet që ngrejnë dhe bullizmi që prodhojnë janë vetëm një pjesë e përpjekjeve për ta mbajtur në këmbë sistemin që kanë ngritur. Ajo që na bën ne të fortë është vendosmëria për t’u përballur me moral dhe vërtetësi. Me forcë dhe me kurajo. Mbi të gjitha, me dinjitet dhe më virtytin e çdo demokrati që beson se PD është forca e krijuar për të përfaqësuar dinjitetin njerëzor. Me ikjen e 2022, të mundim regjimin dhe të lëmë pas shpifjet dhe mashtrimet!
Komente
Lajme të tjera
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49 -
'Gati shqipe', turi me diasporën, Rama nesër takim me shqiptarët e Londrës! Pamje nga salla
23 Nëntor, 07:32 -
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Vrasja e Martinit/ Gjendet pranë Gjykatës së Apelit thika, me të cilën u kry krimi! Bashkë me të edhe çanta e shkollës e 14 vjeçarit të arrestuar si autor
22 Nëntor, 21:09 -
Vrasja e Martinit, zbardhet audioja tronditëse në mbledhjen e prindër te 'Fan Noli': Autori nxori thikën në klasë, mbani përgjegjësi
22 Nëntor, 20:30 -
Mero Baze: Mesazhi i Berishës, nga ‘gjyqi’ i sajuar kundër Ivi Kasos
22 Nëntor, 19:24
mos harro dhe ilir kokpacen jo te ikin por te japin llogari per pislleqet qe i kane bere kombit
PërgjigjuDuettagheSu 78 vjec dhe Rama 56 vjec dhe te vij I riu Alibehaj i ISa Toskes 50 vjec . Do ikin ditet e zeza me Rame dhe do vine ditet e bardha me Alibehaj.Mjere PD ne dore te kujt eshte
Përgjigjuo alibeu,,cilin kandidat ke zgjedhur per bashkine e tiranes,,durresit,,elbasanit....
PërgjigjuBerishen e largon vetem Rama sa per Ali Bashen rrin ne PD edhe 100 vjet
PërgjigjuO ali babe nuk e largon dot Ramen se e do populli ,te re mendja kot mor debil ti do te largohesh se je nje ballist i felliqur haron çfar ke bere kur ishit ne pushtet , o karavidhe nga mendja .