Alibeaj para mbledhjes së komisionit për Reformën Zgjedhore: Nuk përfaqësoj ata që mendojnë ndryshe për situatën në PD

 

I pyetur nga gazetarët nëse ndihet bashkëkryetar i komisionit për Reformën Zgjedhore, Enkelejd Alibeaj tha se ai përfaqëson interesat e PD-së por jo të Rithemelimit apo grupit të ‘Bardhit’ që mendojnë ndryshe brenda partisë.

Deputeti shtoi se kushdo anëtar i komisionit që ka propozime për të bërë rreth Reformës Zgjedhore, është i mirëpritur të shprehë idetë e tij të cilat do të merren në konsideratë.

“Unë jam bashkëkryetar i këtij komisioni të kërkuar nga PD para një viti e gjysmë me shumë luftë, sepse mazhoranca nuk donte. Siç nuk ka dashur çuarjen përpara të Reformës Zgjedhore. Unë përfaqësoj PD-në, nuk marr përsipër të jem përfaqësues i interesave të partive të tjera opozitare.

Nuk jam përfaqësues i atyre që mendojnë ndryshe për atë histori që mendojnë ndryshe brenda opozitës. Ato 4 çështje që i kemi depozituar, nuk janë një rreth i mbyllur që nuk mund të shtohet me propozime të tjera. Secili nga anëtarët e komisionit, ka të drejtën që nëse ka një ide, sesi vota e shqiptarëve të jetë e barabartë dhe listat të perfeksionohen, sesi votimi të bëhet edhe më i garantuar, ka të drejtën dhe është i mirëpritur t’i sjellë këto propozime.  Jam i prirur që gjithsecilin prej tyre t’i shohim t’i analizojmë. Nuk qëndron forca tek bashkëkryetari, qëndron tek fakti që ky është një komision që ka raporte të barabarta mazhorancë opozitë”- u shpreh Alibeaj.

Lajmi kryesor:

Dështon mbledhja e komisionit të Reformës Zgjedhore, deputetët e Bardhit e Berishës e bllokojnë! Gjiknuri: Veprime vandale! Ecim para dhe pa ta

B.V/r.k./Shqiptarja.com

TAG:
• reforma zgjedhore
• damian gjiknuri
• enkelejd alibeaj
• gazment bardhi
• PD