Alibeaj tregon pse nuk u miratua kërkesa për ngritjen e një Komisioni Hetimor për Portin e Durrësit: Balla përdori justifikim që parlamenti do bëjë ligj të ri

Enkelejd Alibeaj ka treguar në Kuvend arsyen përse nuk u miratua nga Konferenca e Kryetarëve kërkesa për ngritjen e një komisioni hetimor për Portin e Durrësit. Sipas tij, kreu i grupit parlamentar të PS përdori justifikimin se parlamenti do bëjë ligj të ri për komisionet hetimore ndaj të gjitha kërkesat nuk miratohen.

“Ngrihet nga kreu i grupit parlamentar të PS si justifikim që meqë parlamenti do bëjë ligj të ri për komisionet hetimore, të gjithë kërkesat nuk miratohen. Kushtetuta e ka të qartë që kur janë nënshkrimet që kur i ka, të ketë një objekt, të ketë përcaktuar afatin dhe përbërjen dhe është detyrim i këtij parlamenti për ta miratuar pa asnjë diskutim. Ju si përfaqësuese e këtij Kuvendi duhet t’i tregoni shqiptarëve që ky parlament ka marrë fund. Është detyra juaj për të mbajtur përgjegjësi. Duhet t’i bëhej me dije deputetëve se çfarë po ndodh”, tha Alibeaj.

LEXO EDHE:
Nga rikthimi i të përjashtuarve në PD te ‘pakti’ PS-Rithemelimi, Alibeaj: Sakrifikuan Zgjedhoren! Politika të mbajë duart larg drejtësisë

Lajmi kryesor:

Konferenca e Kryetarëve rrëzon kërkesën e 35 deputetëve të opozitës për ngritjen e një komisioni hetimor për Portin e Durrësit

A.M./Shqiptarja.com

TAG:
• konferenca e kryetareve
• Rithemelimi
• ligji per komisionet hetimore
• porti i durresit