ALUIZNI:Ja formulari i kërkesave
dhe procedurat për legalizimet

TIRANE- ALUIZNI ka bërë publik procedurat që duhet të ndiqen si dhe formularin që duhet të paraqitur për të marrë informacion mbi mënyrën si aplikohet për legalizimet, apo ecurinë e dosjeve. Në bazë të legjislacionit në fuqi, ALUIZNI jep përgjigje brenda dhjetë ditësh për çdo kërkesë për informacion të drejtuar nga qytetarët.

“’Në Nenin 37 të Rregullores së Brendshme “Pritja dhe trajtimi i letrave, kërkesave dhe ankesat nga shtetasit’, përcaktohet evidentimi i kërkesë/ankesave, mbajtja e regjistrit ku shënohet gjithçka, struktura përgjegjëse për ndjekje dhe raportim”, thekson ALUIZNI. Në Drejtorinë e Përgjithshme të ALUIZNI-t dhe te të gjitha Drejtoritë Rajonale, në një ambient të veçantë  pritjeje të shtetasve, krahas dëgjesës, janë hartuar dhe plotësohen gjithashtu formularë të veçantë si: “Formulari i pritjes së popullit”, plotësohet nga ankimuesi; “Formular denoncimi”; “Formular ankese”.