TIRANE- Me 8 nëntor 1945, Fan Noli i shkruante Enver Hoxhës dy mesazhe, njëri prej të cilëve ishte telegram. Ai i lutej që të pranonte eshtrat e Konicës në atdhe, duke i theksuar se ky qe amaneti i tij i fundit. Noli i sqaron Hoxhës se shpenzimet e udhëtimit do të përballoheshin nga miqtë dhe adhuruesit e Konicës në Amerikë.

Pas këtyre dy mesazheve me tekst thuajse të njëjtë, Hoxha duket nuk  ka kthyer asnjë përgjigje positive Nolit. Kjo vërtetohet nga një letër e tretë e Nolit për Enver Hoxhën, pa datë, por sipas ngjarjeve që shpjegon në letër, përkon me verën e ‘46, kur po intensifikoheshin përpjekjet për ta pranuar Shqipërinë në OKB.