'Amaneti yt u vu në vend', mjeku Tritan Kalo përcjell në banesën e fundit bashkëshorten: Mbi arkëmort do vendosen 72 trëndafila

'Amaneti yt u vu në vend', mjeku Tritan Kalo përcjell në banesën e fundit bashkëshorten: Mbi arkëmort do vendosen 72 trëndafila

Tritan Kalo dhe bashkëshortja e tij e ndjerë

Pas një beteje të gjatë me një sëmundje të rendë, një javë më parë u ndarë nga jeta bashkëshortja e mjekut të njohur, Tritan Kalo.

Ditën e sotme ajo u përcoll në banesën e fundit nga familjarët, ndërsa mjeku Tritan Kalo ka shkruar disa rreshta të ndjera për të. 

“E kish lënë amanet të përcillej me rrobat me të cilat festuam ditëlindjen e 25-të të yllit tonë të vogël Genta Juna Kalo si dhe të prehej shumë pranë varrit të Ardit. Ishin shumë të lidhur me njëri tjetrin. Amaneti yt u vu në vend”-shkruan mes rreshtash mjeku.

“Mbi arkëmort do vendosen edhe 72 trëndafila të kuq, rozë dhe të bardhë, sikundër kurdoherë ti i pëlqeje, dhe numri përkon me atë çka ti shpreheshe dhe dëshiroje kur u sëmure: “Të paktën të mbush 72 vite, para se të ndahem nga kjo jetë”-shkruan mjeku Kalo.

Duke shprehur dashurinë e madhe për bashkëshorten e ndjerë, mjeku i premton asaj se do të ta kujtojë gjithmonë atë dhe do të kujdeset për fëmijët e tyre.

“Do të përjetësohesh në mendjet dhe në zemrat tona e mira, e urta dhe buzëgazta Rozeta Kalo. Prehu në Paqë dhe mos ki asnjë dert për Besjanën, Enkelejdën dhe Gentan, sepse unë do të vijoj të jem për to babai kurdoherë i dedikuar në përkujdesin ndaj tyre….

Në shtëpinë tonë kurrë nuk do të mungojnë prania e roses/trëndafilave, luleve të tua të preferuara….. Lamtumirë gjysma ime më e mirë.”-shkruan Tritan Kalo.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • ZHM: 09/06/2024 09:41

    Ngushellime Dr. Kalo. Njeri dhe profesionist i nderuar i ketij kombi.

    Përgjigju
    • ilaz: 10/06/2024 14:03

      Të jetoni me dhembjen, mallin, kujtimet dhe krenarinë. Por, jeta i ndan ata , ata të cilët janë dashur shumë ...

  • Sondazhi i ditës:

    Gjykata e Apelit i jep vulën e PD-së Berishës, si e vlerësoni?



×

Lajmi i fundit

Moska: NATO po përgatitet për një përplasje të mundshme me ne

Moska: NATO po përgatitet për një përplasje të mundshme me ne