Të gjithë aplikantët e lotarisë së Vizave të Shumëllojshmërisë (DV) këshillohen të shqyrtojnë udhëzimet mbi kriteret e kualifikimit të arsimimit dhe punësimit para se të aplikojnë. Aplikanti kryesor (ai që është përzgjedhur në bazë të numrit të aplikimit) duhet të ketë arsimim apo punësim të kualifikueshëm me qëllim që të kualifikohet për një vizë të programit të lotarisë së DV-së.
Në një postim në Facebook, ambasada amerikane bën një njoftim të rëndësishëm duke theksuar se ata që kanë arsim me kohë të pjesshme nuk kualifikohen për Lotarinë Amerikane.
"Mos harroni që arsimi me kohë të pjesshme nuk kualifikohet për lotarinë e vizave", thuhet në postimin e ambasadës, duke këshilluar që të interesuarit të lexojnë këtu për më tepër.
Arsimimi: Aplikantët duhet të kenë mbaruar arsimin e mesëm me kohë të plotë që është i barasvlefshëm me arsimimin në të paktën një shkollë të mesme amerikane (4 vjeçare, me kohë të plotë, arsim i përgjithshëm). Diplomat e shkollës së mesme gjimnaz me kohë të plotë kualifikohen për lotarinë. Shkollat e mesme profesionale me kohë të plotë mund të kualifikohen nëse ato në thelb përputhen me kërkesat thelbësore të një të arsimi të mesëm me kohë të plotë të Shteteve të Bashkuara të Amerikës. Vendimi përfundimtar do të merret nga oficeri konsullor në ditën e intervistës për vizë.
Diplomat e shkollës së mesme me kohë të pjesshme – pa shkëputje nga puna, shkollat e natës ose ato me korrespondencë, përfshirë programet pesë vjeçare ose programet e gjata (me kohë të pjeshme, pa shkëputje nga puna, shkollat e natës ose me korrespondencë) nuk kualifikohen për programin e lotarisë. Edhe nëse ju keni mbaruar një pjesë të shkollës së mesme në sistemin pa shkëputje nga puna dhe pjesën tjetër në sistemin me kohë të plotë, kjo diplomë nuk kualifikohet për programin e lotarisë.
Diplomat universitare kualifikohen për programin e lotarisë së DV-së.
Punësimi: Aplikantët që nuk përmbushin kriterin e arsimimit, duhet të përmbushin kriterin e përvojës në punë për dy vjet në një profesion që kërkon të paktën dy vjet trajnim apo përvojë brenda një periudhe pesëvjeçare menjëherë para aplikimit. Vetëm disa profesione specifike kualifikohen për programin e Vizave të Shumëllojshmërisë.
Për t’u kualifikuar për një vizë të lotarisë mbi bazën e eksperiencës së punës, ju duhet të keni brenda pesë viteve të fundit dy vjet përvojë në një profesion që është përcaktuar si Zonë Pune 4 ose 5, e klasifikuar në Përgatitjen Profesionale Specifike (SVP) të vlerës 7.0 ose më lart. Profesionet kualifikuese të DV-së janë të renditura në Bazën e të dhënave të Departamentit të Punës O*Net Online Database.
Lajme të tjera
-
Hapen aplikimet për lotarinë amerikane! Si të aplikoni dhe kriteret që kërkohen
2 Tetor, 16:48 -
Dalin përgjigjet e Lotarisë Amerikane për vitin 2025, ja ku mund të shikoni nëse jeni fitues
4 Maj, 18:03 -
Ambasada e SHBA: Vit rekord për vizat amerikane, rritje me 77%! U miratuan më shumë se 25 mijë
2 Dhjetor 2023, 19:33 -
I Ngarkuari me Punë i SHBA-së, Wisner takim në Tiranë me Alumni nga rajoni: Kontribuoni për integrimin euroatlantik të Ballkanit Perëndimor
18 Nëntor 2023, 21:24 -
Nis aplikimi për lotarinë amerikane DV 2025! Mbyllen më 7 nëntor
4 Tetor 2023, 13:40 -
Etheve të lotarisë amerikane ju vjen fundi, ja ku mund të shikoni rezultatin
6 Maj 2023, 11:08 -
Vetëm 2 ditë kanë mbetur për aplikimin e Lotarisë Amerikane! Paralajmërimi i ambasadës: Kujdes nga ata që ju kërkojnë para
6 Nëntor 2022, 18:48 -
Ambasada e SHBA-ve, njoftim të rëndësishëm për Lotarinë Amerikane
23 Tetor 2022, 22:18 -
Nisin sot në orën 18.00 aplikimet për lotarinë amerikane
5 Tetor 2022, 14:35 -
Nesër nisin aplikimet për Lotarinë Amerikane! Çfarë duhet të dini
4 Tetor 2022, 21:31 -
Publikohet data e nisjes së Aplikimeve për Lotarinë Amerikane
26 Shtator 2022, 15:18 -
Ambasada jep njoftimin e rëndësishëm për të gjithë ata që duan të studiojnë në SHBA
30 Maj 2022, 12:09
