-Ambasada e SHBA-së në Tiranë, "Demokracia vlerë universale", 15 shtatori është Dita Ndërkombëtare e Demokracisë-
TIRANË, 15 Shtator /ATSH- I. Vata/-Ambasada e SHBA-së në Tiranë, nëpërmjet rrjetit Facebook ka postuar në ditën nderkombetare të demokracisë, postulatin "Demokracia është vlerë Universale", duke e shoqëruar me një foto të Presidentit të SHBA-së, Barak Obama.
"15 shtatori është Dita Ndërkombëtare e Demokracisë. Sipas Kombeve të Bashkuara, demokracia është një "vlerë universale që bazohet në shprehjen e lirë të vullnetit të njerëzve për të përcaktuar sistemet e tyre politike, ekonomike, sociale dhe kulturore, si dhe ndikimin që ato kanë në të gjitha aspektet e jetëve të tyre", thuhet në postimin e ambasadës së SHBA-së ne Tiranë. /a.ke/