POP 5

Lajmet më të lexuara të 5 minutave të fundit

Politikë

Ambasada ruse në Tiranë zbardh telefonatën: Lavrov i kërkoi Ramës të mos ndërhyjë në punët e brendshme në Bjellorusi

Ambasada ruse shprehet se Rusia i ka bërë të qartë Ramës se nuk duhet të ndërhyjë në çështjet e brendshme të Bjellorusisë.

TIRANE-Ambasada ruse në Shqipëri ka zbardhur telefonatën e ministrit të Jashtëm Sergei Lavrov me kryeministrin Edi Rama, në cilësinë e kreut të OSBE-së që po tenton ndërmjetësimin e krizës në Bjellorusi. Ambasada thotë se Lavrov i ka bërë të qartë Ramës se nuk duhet të ndërhyjë në çështjet e brendshme të Bjellorusisë.

"Më 20 gusht, me iniciativën e palës shqiptare, u zhvillua një bisedë telefonike midis Ministrit të Punëve të Jashtme të Federatës Ruse, Sergej Lavrov dhe Kryeministrit të Shqipërisë, Kryetarit të OSBE-së, Edi Rama. Palët diskutuan mbi situatën në Bjellorusi në kontekstin e propozimeve të Kryesisë Shqiptare të OSBE-së për të kontribuuar në zhvillimin e dialogut midis autoriteteve dhe opozitës.

Ministri Lavrov vuri në dukje se është e nevojshme që bjellorusët të lejohen të zgjidhin vetë punët e tyre, të mos ketë ndërhyrje në dialogun midis autoriteteve dhe shoqërisë dhe t`u mos u imponohet shtetasve bjellorusë asgjë nga jashtë, në mënyrë që të shmanget përvoja e trishtë e "ndërmjetësimit evropian" në Ukrainë në shkurt 2014.

Bashkëbiseduesit rikonfirmuan rolin e rëndësishëm të Misionit Special të Monitorimit të OSBE-së në përpjekjet për të zgjidhur konfliktin e brendshëm ukrainas, duke përfshirë nevojën për të përgatitur raporte objektive për atë që po ndodh në të dyja anët e linjës së kontaktit në Donbas" shkruan ambasada ruse në Tiranë.

Ndërkohë që sipas burimeve nga qeveria shqiptare, Putin mbështet ndërhyrjen e OSBE në Bjellorusi për të ndërmjetësuar zgjidhjen e krizës pas zgjedhjeve. Po ashtu, presidenti francez Emmanuel Macron u shpreh sot se 'kemi pasur disa biseda me Putinin, kemi sugjeruar ndërmjetësimin e OSBE-së, Putin është në favor, por Lukashenko nguron'.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • populli: 23/08/2020 14:09

    Ska pse ti kerkoje rames por osbe

    Përgjigju
  • sepult: 21/08/2020 12:20

    me kryeminister idiot nuk ka ne kete bote.

    Përgjigju
  • Daje Ceni: 21/08/2020 01:18

    Po Lavrovi c pune ka me Bjellorusine Apo valet e termetit popullor ne Bjellorusi po i ndjen edhe shefi i Lavrovit Vladimir Putini i cili kerkon te behet cari i Rusise

    Përgjigju
  • wer: 20/08/2020 23:12

    kshuqe kryeminister budalla kthehu ne shqiperi edhe jepi buke popullit se po vdes nga uria dhe papunesia.

    Përgjigju
    • maloku: 21/08/2020 12:51

      wer shko voto salen edhe nji her e te na levrohet nana si 30 vjet e funit meqe skena buk mos te kena as liri e ta bajm taman komunizem

    • Flutura: 21/08/2020 12:11

      ...Vrer? Pd-lsi trupe helmi e vreri, asgje me shune.

    • Argo: 21/08/2020 10:17

      Akoma me ket muhabetin e bukes ju. Kush ka vdek mor aman nga uria.

    • @wer: 21/08/2020 09:33

      Injorantet si puna jote mendojn se kryeminstri eshte budalla kurse sto te OSBE nuk mendojn ashu sa i dhan kryesin.! Dhe e dyta nuk te jeo buk kryeminstri por krahet e tu levizi ato puno ne te kundert pa buk xfundo sic zfundojn ne cdo shtet usa etj

  • Sondazhi i ditës:

    Si i vlerësoni protestat e dhunshme të Rithemelimit tek Bashkia?

Lajme të tjera



×

Lajmi i fundit

Dronët tokësorë, mjetet e reja të luftës në Ukrainë

Dronët tokësorë, mjetet e reja të luftës në Ukrainë

28 Prill, 19:59