TIRANE- Kreu i delegacionit të Bashkimit Europian në Shqipëri, Ettore Sequi uron shqiptarët për festën e Pavarësisë. Në mesazhin e tij të urimit, ambasadori Sequi duke shprehur “Urime të sinqerta popullit shqiptar në këtë ditë të vecantë”, u ndal tek rruga e Shqipërisë drejt integrimit europian dhe realizimit të reformave.

“Shqipëria përparon në rrugën e saj drejt integrimit në BE, është e angazhuar në axhendën e reformave. Angazhimi ndërpartiak, shprehje e aspiratave europiane”, shprehet ambasadori Sequi.

MESAZHI I URIMIT I AMBASADORIT TË BE, ETTORE SEQUI PËR FESTËN E PAVARËSISË
Me rastin e përvjetorit të 101-të të Pavarësisë së Shqipërisë, i dërgoj urimet e mia të sinqerta popullit shqiptar në këtë ditë të veçantë për historinë e vendit.

Ndërkohë që Shqipëria përparon në rrugen e saj drejt integrimit në Bashkimin Europian, angazhimi i saj në axhenden e reformave dhe angazhimi i përtërirë politik ndërpartiak në reformat kyçe janë shprehje të rëndësishme dhe inkurajuese të aspiratave të forta europiane të Shqipërisë.

Redaksia Online
(e.s/shqiptarja.com)