POP 5

Lajmet më të lexuara të 5 minutave të fundit

Ambasadori i BE takohet me kreun e KED-së, Soreca: Ju garantojmë mbështetje absolute

Ambasadori i Bashkimit Europian, Luigi Soreca dhe Ardian Dvorani kreu i KED

Ambasadori i Bashkimit Europian në Shqipëri, Luigi Soreca ka zhvilluar ditën e sotme një takim me Kryetarin e Këshillit të emërimeve në Drejtësi , Ardian Dvorani  ku në fokus të diskutimit të tyre ka qenë ecuria dhe vijuishmëria e punës së këtij institucioni.

Përmes një postimi në rrjetin social ambasadori i Bashkimit Europian Soreca shprehet se Bashkimi Europian , e mbështet plotësisht punën e rëndësishme të Këshillit të Emërimeve në Drejtësi, ndërsa thekson se e rëndësishme mbetet zbatimi i rregullave të brendshme që ruan pavarësinë e anëtarëve të Këshillit.

"Sot u takova me Ardian Dvoranin, Kryetar i Këshillit të Emërimeve në Drejtësi. BE-ja mbështet plotësisht punën e rëndësishme të Këshillit. Mbështetja teknike dhe administrative është e nevojshme për Këshillin që të kryejë detyrat e tij të rëndësishme. Tani që nis vlerësimi dhe renditja e kandidatëve për Gjykatën Kushtetuese dhe Inspektoratin e Lartë të Drejtësisë, është e rëndësishme që zbatimi i rregullave të brendshme të bëhet në një mënyrë që ruan pavarësinë e anëtarëve të Këshilli",shkruan Luigi Soreca.

 

Postimi i Ambasadorit të Bashkimit Europian Luigi Soreca

b.xh./Shqiptarja.com
Komento