Ambasadori shqiptar në Prishtinë
kritikon politikën serbo-ruse

Ambasadori i Shqipërisë në Kosovë, Islam Lauka, ka hedhur një varg kritikash ndaj politikës nacionaliste serbe si dhe ndaj politikës ruse, e cila, po i ushqen apetitet nacionaliste serbe dhe po e bllokon perspektivën e Kosovës në arenën ndërkombëtare.

Këto komente ambasadori shqiptar i bëri në hapjen e konferencës dyditore me temën `Shekulli i shtetit shqiptar`. Lauka ua ka tërhequr vërejtjen fqinjëve në Ballkan se shqiptarët janë më të fortë se kurrë.

Sa i përket akuzave dhe riaktivizimit të idesë për Shqipërinë e Madhe të para pak ditësh edhe nga ambasadori rus në Beograd, Aleksandar Konuzin, ai u është drejtuar edhe Beogradit edhe Moskës, duke thënë se Shqipëria është ndër vendet e para që e ka njohur pavarësinë e Kosovës.

Ai po ashtu ka porositur presidentin e sapozgjedhur serb, Nikoliq qw ta braktisë zhanrin nacionalist.

(rg/shqiptarja.com)