Ambasadorja e Kinës, Jiang, pritje me rastin e 66 vjetorit të themelimit të Republikës Popullore të Kinës

ritje nga ambasada e Kines.Foto Flor Abazaj
TIRANË, 29 Shtator/ATSH-Gjergji Mima/ -Ambasadorja e Republikës Popullore të Kinës në Tiranë, Jiang Yu organizoi te maarten në mbrëmje  një pritje me rastin  66-të  vjetorit të themelimit të Republikës Popullore të Kinës.
Në aktivitet merrnin pjesë krerët më të lartë të vendit si Kryetari i Kuvendit, Ilir Meta, Zv/ Kryeministri, Niko Peleshi, Kreu i Partisë Demokratike, Lulzim Basha, ish -kryeministri Sali Berisha, ministra të kabinetit qeveritar, deputetë të Kuvendit të Shqipërisë si dhe përfaqësues të trupit diplomatik të akredituar në Tiranë.
Në fjalën e saj ambasadorja e Kinës, u shpreh se, në këtë sezon të bukur të vjeshtës, ne jemi mbledhur për të festuar përvjetorin e 66 të themelimit të Republikës Popullore të Kinës. Para së gjithash, në emër të ambasadës kineze në Shqipëri, do të doja të japë një mirëseardhje të ngrohtë për të gjithë të pranishmit këtu dhe të shpreh falënderimet e mia të sinqerta për miqtë nga të gjitha sferat e jetës.
Me themelimin e Republikës Popullore të Kinës më 1 tetor 1946, Kina hyri në një epokë krejtësisht të re historike, tha ambasadorja Jiang.
"Gjatë 66 viteve të fundit nga themelimi i saj, sidomos gjatë tre dekadave të fundit që prej reformës dhe hapjes, Kina ka gjetur rrugën e zhvillimit. Ekonomia e saj ka marrë një hap historik të madh përpara. Prodhimi i përgjithshëm ekonomik është rritur mbi 100 herë në terma të PBB-së. Kina u ngjit nga radhët e vendeve me të ardhura të ulëta në radhët e vendeve me të ardhura mesatare të mesme të sipërme. Standardet e jetesës së popullit kinez janë përmirësuar në mënyrë të qëndrueshme, dhe forca e përgjithshme kombëtare është rritur në masë të madhe", tha ambasadorja kineze.
Ambasadorja Jiang dha edhe disa shifra që ilustrojnë këtë rritje ekonomike të Kinës.
"Vitin e kaluar, GDP totale e Kinës tejkaloi 63.6 trilion RMB, një rritje prej 7.3%, që e bën atë ekonomia e dytë më e madhe në botë; Vlera totale e shtuar industriale e Kinës tejkaloi 22.8 trilionë RMB, duke e bërë atë eksportuesin më të madh në prodhim; Gjithsej importet dhe eksportet e Kinës arritën në 26.4 trilionë RMB, duke e bërë atë tregtarin më të madh në botë. Deri në vitin 2014, totali i rezervave valutore të Kinës tejkaloi 3.8 trilionë dollarë amerikanë, duke e renditur atë për herë të parë në drejtim të rezervave valutore. Numri i shtetasve kinezë udhëtojnë jashtë vendit duk tejkaluar100 milionë vitin e kaluar, duke e bërë atë tregun më të madh për turistët; HSR (rrjeti hekurudhor me shpejtësi të lartë) i Kinës ka arritur në 16.000 kilometra", u shpreh ambasadorja e Kinës.
Por theksoi ajo, "Çfarë i bën këto arritje të jashtëzakonshme të jenë të mundura është se Kina ka bërë zhvillimin si prioritetin kryesor në të gjitha kohët dhe ka respektuar politikën e reformës dhe të hapjes'.
Në të njëjtën kohë, tha ambasadorja kineze, "duhet të shihet se me një popullsi prej 1.3 miliardë, Kina ende mbetet vendi më i madh në zhvillim në botë dhe përballet me shumë sfida. Ne duhet të vazhdojmë të punojmë shumë për një kohë të gjatë për të mundësuar që të gjithë kinezët të gëzojnë një jetë të mire".
"Ngadalësimi i fundit i rritjes ekonomike të Kinës ka tërhequr vëmendjen e bashkësisë ndërkombëtare. Realiteti është se ajo është një rezultat i transformimit të rrugës tonë të zhvillimit dhe ristrukturimit ekonomik, së bashku me efektet dhe brengat e politikës stimuluese të miratuar më parë. Ekonomia e Kinës në përgjithësi është ende duek rendur brenda intervalit të duhur, dhe "forma" e ekonomisë, edhe pse ka pasur disa ulje dhe ngritje, ka një trend themelor pozitiv. Ekonomia e Kinës ende ka një potencial të madh dhe është e pozicionuar mirë për tu rritur me shpejtësi të lartë për një kohë të gjatë për. Kina mbetet një motor i rëndësishëm për rritjen ekonomike botërore", tha ambasadorja Jiang.
Ky vit, theksoi Jiang, "shënon 70 vjetorin e fitores së Luftës së Dytë Botërore dhe themelimin e Kombeve të Bashkuara. Kjo është shpresa jonë se komuniteti ndërkombëtar do të marrë këtë mundësi të rëndësishme për të parë në të ardhmen, për të ruajtur rezultatin e fitores së Luftës së Dytë Botërore, duke riafirmuar angazhimin e saj me qëllimet dhe parimet e Kartës së OKB-së, për të mbrojtur paqen botërore dhe për të nxitur zhvillimin e përbashkët. Kina avokon në mënyrë aktive dhe promovon konceptin e zhvillimit paqësor nëpërmjet bashkëpunimit, dhe së bashku me vendet e tjera, përpiqet për të ndërtuar një komunitet të interesave, një komunitet të përgjegjësive dhe një komunitet të fatit, të cilat janë karakterizuar nga besimi politik reciprok, integrimi ekonomik dhe toleranca kulturore".
"Unë kam udhëtuar në shumë vende dhe kam pasur një kontakt të gjerë dhe shkëmbim pikëpamjesh me miqtë e të gjithë sferave të jetës. Është besimi im se miqësia tradicionale është pasuria më e çmuar e dy vendeve tona. Mënyra si unë e shoh këtë miqësi, është mënyra më e mirë për ta shtuar këtë aset të çmuar në këtë periudhe të re historike është të promovojmë bashkëpunimin në fusha të ndryshme mes dy vendeve tona. Më jep gëzim të madh të konstatoj se në sajë të përpjekjeve të përbashkëta nga të gjithë miqtë, marrëdhëniet kino-shqiptare kanë treguar një vitalitet të ri. Besimi politik reciprok midis dy vendeve tona ka qenë në rritje, gj që siguron një bazë më të fortë politike për shkëmbimet dhe bashkëpunimet në të gjitha fushat", nënvizoi ambasadorja Jiang.
Sipas saj, bashkëpunimi mes dy veneve ka dhënë fryte. "Në gjysmën e parë të këtij viti, tregtia jonë dypalëshe arriti në 204 milionë dollarë amerikanë, që paraqet një rritje prej 15% në krahasim me të njëjtën periudhë të vitit të kaluar. Progres i konsiderueshëm është bërë në disa projekte të rëndësishme të përbashkëta. Një numër i kompanive kineze janë duke punuar në mënyrë aktive me homologët e tyre shqiptarë për të realizuar disa projekte të infrastrukturës dhe energjisë. E gjithë kjo do të ndihmojë duke vënë një themel për bashkëpunim në të ardhmen për për projekte dypalëshe në shumë sektorë", u shpreh ambasadorja e Kinës.
Këtë vit, theksoi ambsadorja Jiang, "ka pasur shkëmbime të frytshme dhe bashkëpunim mes dy vendeve tona në fushën e radios dhe televizionit, mediave, publikimit dhe arsimit, si dhe ngjarje të tilla si Java e Filmit kinez dhe miqësia e njëqind studentëve kinezë që janë pranuar ngrohtësisht këtu nga studentët shqiptarë". "Bashkëpunimi ynë bilateral në nivel lokal po zgjerohet. Ne jemi të kënaqur të shohim se gjatë disa muajve të fundit, tri palë qytete kanë krijuar miqësi dhe marrëdhënie bashkëpunimi. Janë krijuar marrëdhënie mes qytetit të Yangzhou dhe Vlorës, mes qytetit të Shantou dhe Durrësit, dhe mes provincës Henan dhe Prefekturës së Shkodrës, duke siguruar platforma të reja për zgjerimin e mëtejshëm të marrëdhënieve tona dypalëshe", deklaroi ambasadorja e Kinës në Tiranë.
Ambasadorja kineze u shpreh se e sheh si detyrën e saj të konsolidojë miqësinë tonë tradicionale, të thellojë besimin reciprok politik dhe zgjerimin e bashkëpunimit dypalësh.
 

/Shqiptarja.com