Ambasadorja e SHBA-ve Yuri Kim ka zhvilluar takimin e parë me kryetaren e re të Kuvendit Lindita Nikolla, në Kryesinë e Kuvendit, që zgjati rreth 30 minuta.
Pas takimit ambasadorja Kim shkroi në “Twitter” se e kishte uruar Nikollën për zgjedhjen si kryetare e parlamentit, teksa flet për një parlament tashmë me forcë të plotë, bashkë me opozitën.
“Ishte kënaqësi të uroja Lindita Nikolla për zgjedhjen si Kryetare e Parlamentit. Më vjen mirë që Parlamenti u kthye me forcën e plotë, me opozitën të pranishme dhe duke folur hapur. Respektimi i diversitetit të pikëpamjeve, debati civil dhe bashkëpunimi aty ku është e mundur janë thelbësore për demokracinë dhe llogaridhënien para votuesve”, shkruan Yuri Kim. Vetë Nikolla e falenderoi ambasadoren për urimet dhe mbështetjen si dhe e siguroi për forcimin dhe zgjerimin e bashkëpunimit me Kuvendin e Shqipërisë, duke sjellë edhe një qasje të re komunikimi.
Nikolla e cila u zgjodh më 10 shtator me 79 vota pro dhe 4 kundër do të drejtojë Kuvendin për 4 vitet e ardhshme. Në seancën plenare ku u votua për zgjedhjen e saj, grupi parlamentar i PD-së vendosi të grisë në mënyrë demonstrative fletët e votimit e duke i hedhur më pas në tokë.
Ndryshe nga PD kanë vepruar dy aleatët e demokratëve në zgjedhje, Monika Kryemadhi dhe Vangjel Dule, kanë hedhur votën në kutinë e votimit. 4 deputetët e LSI kanë votuar kundër emrit të Nikollës, nga 137 që ishin në total të pranishëm në sallë. Kurse, ish-kryeministri Sali Berisha pasi u betua, e bojkotoi procesin e zgjedhjes së kryetares së Kuvendit duke dalë nga salla pak para nisjes së votimit. Lindita Nikolla zë vendin e Gramoz Ruçin në krye të Kuvendit të Shqipërisë.
Ky takim mes Kim dhe Nikollës vjen pas seancës maratonë, e cila nisi dje në orën 10:00 dhe përfundoi mëngjesin e sotëm rreth orës 06:30 ku edhe u votua qeveria e re “Rama 3”.
Kryetarja e Kuvendit, Lindita Nikolla ka reaguar pas takimit me ambasadoren Yuri Kim. Nikolla e falenderoi ambasadoren për urimet dhe mbështetjen si dhe e siguroi për forcimin dhe zgjerimin e bashkëpunimit me Kuvendin e Shqipërisë.
“Partneriteti strategjik me SHBA është një gurë themeli i politikës së jashtme të Shqipërisë. Ne vlerësojmë shumë ndihmën e SHBA, veçanërisht për avancimin e reformës në drejtësi, të procesit të vetting-ut dhe kryerjen e reformës zgjedhore dhe të reformave të tjera në rrugën e anëtarësimit ne BE. Ne do të rrisim përkushtimin e përgjegjësinë për të justifikuar besimin që na dhanë qytetarët në mandatin e tretë. Unë do të kontriboj që të sjell një qasje të re në komunikim dhe veprimtarinë parlamentare, duke pasur si yll të karvanit që më udhëheq ne punën time interesat e vendit dhe jo përkatësinë time politike”, nënvizoi Kryetarja e Kuvendit, Lindita Nikolla.
Komente
Lajme të tjera
-
Filloi punimet 'Forumi Ndërparlamentar i Evropës Juglindore të Asamblesë Parlamentare të OSBE-së'
13 Prill, 13:45 -
SafeJournalists e shqetësuar për ngritjen e komisionit për Dezinformimin, letër të hapur Nikollës: Të merren parasysh implikimet që ka në lirinë e medias
10 Prill, 08:42 -
Kuvendi letër zyrtarit të DASH, i kërkohet ndihmë për ngritjen e Komisionit për Dezinformimin
3 Prill, 15:10 -
Rama i refuzoi interpelancën për akuzat ndaj të vëllait, Bardhi debat në Konferencën e Kryetarëve: Po shkelni Kushtetutën! Çuçi: S'ka lidhje me veprimtarinë e kryeministrit
3 Prill, 11:42 -
Konferenca e Kryetarëve/ Të hënën mblidhet këshilli i mandateve për Olta Xhaçkën
3 Prill, 11:25 -
Krishti u ngjall! Krerët e shtetit urojnë besimtarët katolikë për Pashkë
31 Mars, 10:50 -
Krerët e institucioneve të drejtësisë shqiptare në SHBA, zbardhen takimet
29 Mars, 22:24 -
Kryeparlamentarja Nikolla takohet me reporteren për Shqipërinë në Parlamentin Europian: Dialogu i qëndrueshëm mbështet reformat dhe përshpejton integrimin europian
26 Mars, 16:43 -
Bardhi kërkoi mbledhjen e Kryetarëve për mandatin e Xhaçkës, Nikolla: Është objekt i organeve të tjera të Kuvendit! Deputeti: Grabiti 10 mijë m2 tokë e vazhdoni e mbroni
26 Mars, 15:43 -
Arrestimi i Jorgo Goros, Vangjel Dule: I dirigjuar nga Rama, Fredi Beleri duhet të betohet sa më parë si kryebashkiak i Himarës
24 Mars, 13:00 -
Ish zv/ministri i Jashtëm i Greqisë viziton Fredi Belerin në burgun e Fierit: Kështu Shqipëria s'ka shanse t’i bashkohet BE
19 Mars, 13:48 -
Pas 5 muajsh kaos, Rithemelimi dakordësi me PS për ngritjen e 2 komisioneve hetimore! Nënkomision për 'Reformat', anëtaret i cakton Bardhi e Çuçi
12 Mars, 13:19
Populli Shqipetar duhet te vendos vete fatet e tij dhe rrugen qe do te ndjeki per te ardhmen , nese vendosin te huajt si kane bere gjithmone ne do te behemi keq e mos me keq prandaj duhet nje force e re te teegoje qe jemi vend sovran i pavarur nga askush
Përgjigju