Kur diskutimet për shtrimin në Kuvend të të dyja ligjeve për hapjen e dosjeve, më së fundi u bënë objekt debatesh në Nënkomisionin kuvendor të të drejtave të njeriut, disave që ndiqnin punimet e kësaj mbledhjeje u tërhoqi vëmendje veçanërisht një ndërhyrje pohuese e Kryetarit të Partisë Republikane, sipas të cilit, mund të dalë e nevojshme që të bëhet edhe ndryshimi i dispozitave kushtetuese.

Pavarësisht objektit që i referohej parashikimi i këtij titullari të një force politike të përfaqësuar në Kuvendin e Shqipërisë, për herë të parë nga fronti i opozitës u ndje dhe u shpreh mundësia e ndërhyrjeve në Kushtetutë.