POP 5

Lajmet më të lexuara të 5 minutave të fundit

Kosova & Rajoni

Amnesty: Kush do përgjigjet
për krimet e luftës në Kosovë?

Organizata Amnesty International ka reaguar lidhur me lirimin e Ramush Haradinajt, Lahi Brahimajt dhe Idriz Balajt, nga Gjykata e Hagës për Krime të Luftës.
Amnesty: Kush do përgjigjet <br />për krimet e luftës në Kosovë?
SHBA - Organizata Amnesty International ka reaguar lidhur me lirimin e Ramush Haradinajt, Lahi Brahimajt dhe Idriz Balajt, nga Gjykata e Hagës për Krime të Luftës.

Amnesty International ka përsëritur thirrjen e saj për drejtësi për të gjitha viktimat e luftës 1998-1999 në Kosovë dhe për të afërmit e tyre.

Në deklaratën e saj, AI thekson se vendimi i sotëm ngre pyetjen se “nëse të tre ish-pjesëtarët e lartë të UÇK-së nuk janë fajtor, atëherë kush i ka kryer këto krime?”

Xhon Dalhuisen, drejtor i organizatës Amnesty International për Evropën dhe Azinë Qendrore, i pyetur “nëse ndonjëherë do të dalë para drejtësisë dikush për krimet e luftës në Kosovë?”, është përgjigjur duke thënë se “këto janë pyetje familjet e viktimave i bëjnë dhe do të vazhdojnë t’i bëjnë, derisa të shohin drejtësi”.

Më tej në deklaratën e AI-së theksohet se për 800 pjesëtarë të komuniteteve me pakicë në Kosovë, ka dyshime se janë rrëmbyer dhe vrarë nga UÇK-ja. Vetëm një numër i vogël i trupave të tyre është gjetur, zhvarrosur dhe kthyer te familjet e tyre për varrim.

Sipas AI duke u mbështetur në padi, në mesin e viktimave të krimeve të dyshuara përfshiheshin serbët e Kosovës, romët, egjiptianët e Kosovës, shqiptarët katolikë dhe po ashtu shqiptarët e Kosovës, thotë AI dhe shton se trupat e vetëm disa individëve janë gjetur dhe identifikuar.

Megjithatë Gjykata ishte në gjendje të arrijë në përfundimin se disa nga këta individë ishin torturuar dhe keqtrajtuar, ka konstatuar se vetëm një individ ishte vrarë në kompleksin e UÇK-së, thuhet ndër të tjerash, në deklaratën e gjatë të organizatës Amnesty International.

(eç/shqiptarja.com)

  • Sondazhi i ditës:

    A e zgjidh problemin me shqiptarët në Britani vizita e Ramës në Londër?

Lajme të tjera



×

Lajmi i fundit

Marrëveshja SHBA-Kanada, synon t'i japë fund kalimeve të emigrantëve mes të dy vendeve

Marrëveshja SHBA-Kanada, synon t'i japë fund kalimeve të emigrantëve mes të dy vendeve

24 Mars, 22:58