Në Shqipëri do të nisë një aksion kombëtar për gjurmimin dhe mbledhjen e armëve, municioneve dhe eksplozivëve, të grabitura nga depot gjatë trazirave në vitin 1997, duke përfunduar në duart e popullsisë civile, sidomos të grupeve kriminale dhe personave me rrezikshmëri të lartë shoqërore. Qeveria dhe Kuvendi pritet të miratojnë një amnisti për armëmbajtjen pa leje, për të nxitur shqiptarët që të dorëzojnë vullnetarisht armët dhe municionet, pa i ngarkuar me përgjegjësi penale. Amnistia mund të zgjasë nga 6 muaj deri në dy vjet.
Propozimi u artikulua sot nga deputeti i Partisë Socialiste, Xhemal Qefalia, në Komisionin e Sigurisë Kombëtare, gjatë mbledhjes ku po shqyrtohej një nismë ligjore për disa ndryshime në ligin për armët të vitit 2014. “...Ku mund ta vendosin një shtesë apo amendament që të fillojë edhe një amnisti tjetër për dorëzimin vullnetar të armëve, duke bashkëpunuar edhe me autoritetet e pushtetit vendor?”, tha Qefaliaj.
Propozimi i mirëprit nga zëvendësministri i Brendshëm, Besfort Llamallari, i cili tha se këto fushata kanë rezultuar të suksesshme në të kaluarën.
“Çdo armë dhe municion i dorëzuar është një risk më pak në situatën e rendit dhe e kriminalitetit. Çdo nismë e tillë vlerësohet me shumë vëmendje dhe seriozitet nga ana e Ministrisë së Brendshme dhe Policia e Shtetit. Mekanizmat dhe metodat janë të ndryshme, sigurisht të kombinuara me fushatat konstante të ndërgjegjësimit si për rrezikun, ashtu edhe për dorëzimin”, tha Llamallari.
Zëvendësdrejtori i Përgjithshëm i Policisë së Shtetit Enver Dervishaj u shpreh se amnistia për dorëzimin vullnetar të armëve është përcaktuar tashmë në një strategji nga qeveria.
“Është një detyrim i përcaktuar nga qeveria që brenda vitit 2021 ose brenda vitit 2022 të bëhet një amnisti... Do të gjykohet edhe nga klima e përgjithshme që të ketë një amnisti tjetër, kjo do të kalojë me siguri në Parlament, në mënyrë që të mbledhim edhe ato armë që përbëjnë rrezik për qytetarët shqiptarë. Vendi ynë është i përfshirë edhe në plotësimin e detyrimeve ndërkombëtare. Ne kemi ratifikuar traktatin e armëve të vogla me ligjin e vitit 2014, kemi një bashkëpunim me INTERPOL dhe EUROPOL me shkëmbim e informacionit për çështje të ndryshme, edhe sa i përket trafikimit të armëve”, tha Dervishaj
Në vijim Komisioni do të vendosë në amnistia do të parashikohet në ndryshimet në ligjin për armët apo me një ligj më vete. Gjithashtu, do të përcaktohet edhe periudha e amnistisë, ku me shumë gjasa mund zhvendoset pas zgjedhjeve të 25 prillit 2021, për shkak të angazhimit të policisë për mbarëvajtjen e zgjedhjeve.
Nëse miratohet, kjo do të jetë amnistia e katërt në Shqipëri për mbledhjen e armëve. Amnistia e fundit ishte 4-mujore në vitin 2017, ku u mblodhën 1604 armë zjarri të llojeve të ndryshme dhe me mijëra municione. Aktualisht në duart e shqiptarëve janë 325 mijë armë zjarri në mënyrë të paligjshme. Në vitin 1997 janë grabitur 549,775 armë, 839,310,038 municione dhe 16,000,000 eksplozivë. Në periudhën mars-qershor të ’97 janë grumbulluar 222,918 armë 118,134,222 municione dhe 1,539,828 eksplozivë.
Ndërkaq, ndryshimet ligjore që u miratuan sot në parim nga Komisioni i Sigurisë parashikojnë përjashtimin e personave me rekorde kriminale nga e drejta për të mbajtur armë zjarri me leje. Nisma ligjore forcon rregullat për mbajtjen dhe kontrollin e armëve të zjarrit.
Komente
Lajme të tjera
-
'Studio Live'/ Qefalia: Shqipëria me hapat e duhur për në BE! Po mendohet shërbimi i detyrueshëm ushtarak! Sidi Hasanaj: Non-gratat përfaqësojnë interesat pro-ruse
18 Dhjetor, 18:16 -
Buxheti/ Bardhi fyerje ndaj Begajt: Presidenti bën takime për përshesh me gjel, po e keqpërdorni si leckë! Gjeneral i kthyer në ushtar të Ramës, po kërkon buxhet për parukeri
13 Nëntor, 13:36 -
Drejtori i Policisë, Proda tek 'Siguria': Për masakrën e Shkodrës shpejt kemi rezultate, e them me garanci! Na financoni 50 % e flotës e amortizuar, i marrim me qira! Shtohen dhe 500 efektivë
13 Nëntor, 13:33
-
Në 2025 ndërtohet burgu i Kukësit! Merr jetë projekti anti-dronë
12 Nëntor, 17:09
-
“Në 2025, 2 avionë për zjarret dhe stërvitje!” Xhaferraj përplasje me ministrin e Mbrojtjes në kuvend
11 Nëntor, 17:07
-
Debate te Komisioni i Sigurisë/ Vengu: Buxheti me rritje, kap 2% e vendosur nga NATO! Kampus i ri për ushtrinë! Xhaferraj: Mos bëj ironi, je për SPAK
11 Nëntor, 14:44 -
Ishte në SPAK për 21 janarin, Xhemal Qefalia tregon në 'Studio Live' çfarë u tha hetuesve: Jam i bindur që ndëshkimi për përgjegjësit e 4 të vrarëve do të vijë
31 Tetor, 18:17 -
Qefalia: Puna e SPAK vullnet i mazhorancës! Komisioni Xhafa do bëhet nën vëzhgimin e ndërkombëtarëve! Ergys Mërtiri: Negociatat u hapën jo për meritën tonë
31 Tetor, 18:06 -
Dosja e ’21-Janarit', SPAK pyet deputetin e PS, Xhemal Qefalia, një prej organizatorëve të protestës: U pyeta si protestues, shpresoj të zbardhet
31 Tetor, 09:32 -
DOKUMENTI- Grupi i PD kallëzon në SPAK 74 deputetët e PS, listën e prin Edi Rama: Penguan ekzekutimin e 2 vendimeve të Kushtetueses për mandatin e Xhaçkës
2 Tetor, 11:05 -
Çako te Komisioni i Sigurisë: Për këtë vit 1077 vatra zjarri dhe 43466 ha të dëmtuara! 98% nga dora njerëzore, qeveria do kalojë 1,5 mld lekë për kompensime dëmesh
17 Shtator, 14:08 -
‘Siguria’/ Raporton kreu i Burgjeve, Qose: Duhen sisteme anti-dronë! Përmes dronëve mund të organizohen vrasje në burgje! Burgu i Lezhës me të sëmurë mbi kapacitetet
16 Shtator, 12:41
Ahahahaaa o llesh leshi mos u lodh kot duke kopjuar Sajmir Tahirin! Nuk ben me nena djale, e shteti minister si ai! Te fala ard kambales.
Përgjigju