TIRANË- Deputeti i Partisë Socialiste Arben Pëllumbi i ftuar në emisionin ‘5 pyetjet nga Babaramo’ në Report Tv ka folur për Këshillimin Kombëtar. 69% e qytetarëve janë shprehur pro lejimit të amnistisë fiskale për emigrantët, ndërsa Pëllumbi shpjegoi se do të përjashtohen nga amnistia trafikantët dhe zyrtarët. Ai thekson se nuk do të lejohet amnistia për paratë e pista, por edhe për personat që kanë punuar më parë në administratë ose punojnë ende.
“Ne jemi një komb që gati gjysmën e popullsisë e kemi jashtë. Ne e dimë sot që të bësh një transaksion të tillë imobiliar nuk e kryen dot nëse paratë nuk i ke në bankë. Në këtë aspekt, besoj se një moment amnistie fiskale mund ta bënim edhe ne. Qëllimi nuk është të futen në qarkullim paratë e kontrabandës e korrupsionit. Qytetari nuk mund të ketë 10 milionë euro që t’i fusë në bankë. Do të ketë edhe bisedime. Besoj se jemi në fazën që ky proces të jetë ashtu siç duhet të jetë dhe të pastrohen paratë e qytetarëve që i kanë me djersën e tyre”, tha Pëllumbi në ‘5 Pyetjet nga Babaramo’.
Pëllumbi ka komentuar edhe debatin me deputetin socialist Erion Braçe në Kongresin që mbajti PS-ja më në 9 prill. Ai shpjegoi se thjesht donte t’i kufizonte kohën pasi ishte e limituar. Pëllumbi shtoi se fokusi ishte që hapësira t’iu jepej fermerëve për të folur mbi problematikat që ata hasin pasi sipas tij, fermerëve nuk iu jepet një hapësirë e tillë çdo ditë, ndërsa Braçe ka mundësi të flasë në panele televizive dhe Kuvend.
“Duke qenë se aktiviteti jonë ishte në pesë panele njëkohësisht, u transmetua vetëm lajmi që kemi bërë debat, thjesht kam dashur t’i kufizoj kohën brenda minutazhit 10 minuta se koha televizive ishte e kufizuar dhe 10 të ftuarit duhej të merrnin fjalën e të flisnin. Duke pasur parasysh që ishin fermerë, e kanë të kufizuar për të folur para mikrofoni, kishim Ballën që foli vetëm 3 minuta, unë 3 minuta, Braçe ka mundësi të flasë në çdo lloj paneli, në Kuvend. Për disa gjëra që Braçe trajton edhe në jam dakord, si për disa gjëra nuk jam dakord. Grupi parlamentar është i ndarë mes këtyre opsioneve”, u shpreh deputeti socialist.
I pyetur nëse është e nevojshme të ketë ndryshime në qeveria, Pëllumbi thotë se ndryshimet janë gjithmonë të vlefshme, por qeveria e ka marrë detyrën në shtator dhe në fund është kryeministri që vendos.
“Unë mendoj se rifreskimi është gjithmonë i vlefshëm, por duhet të kemi parasysh që qeveria e re e ka marrë detyrën në shtator. Megjithatë, është kryeministri të gjykojë se kush po ecën apo jo me ritmin e duhur”, tha Pëllumbi.
Lajme të tjera
-
Toska zë ngushtë Telitin e PD: Pse nuk protestoni te Balluku, a iu komplekson emri i Bashkim Ulajt? Do jetë oligarku i parë që do arrestohet
23 Dhjetor, 22:48 -
Teliti te ‘5 Pyetjet’: Gjekmarkaj u dhunua nga policia! Ironizon Hitaj: Mund të themi se ishte atentat i organizuar nga Rama, por s’është ashtu
23 Dhjetor, 21:50 -
Ironia e Spahiut: A do vazhdojë protesta nesër, apo deputetët do ikin me pushime?
23 Dhjetor, 21:23 -
Protesta e PD/ Berisha me një grusht militantësh bllokojnë 3 orë Tiranën: Qeveri teknike! Përplasen me policinë! Noka grusht efektivit
23 Dhjetor, 17:11 -
Konferenca e Kryetarëve/ PS rrëzon komisionin hetimor për Ballukun, lidhur me Porto Romanon! Bardhi: Aferë korruptive! Balla: Kërkoni 6 muaj hetim, s'ka kohë
23 Dhjetor, 12:27 -
Balla takim me punëtorët shqiptarë në Toskana: Deri në Pashkë shpresojmë të arrijmë marrëveshjen për njohjen e pensioneve! Merrni pjesë në votime
21 Dhjetor, 17:10 -
Paralajmërimi i Bashës për opozitën: Koha na dha të drejtë, pazari Rama-Berisha për të mbrojtur pandëshkueshmërinë, ishte mesazh kundër SPAK
21 Dhjetor, 16:57 -
Ylli Pata: A do pranohet nga socialistët, propozimi i SHBA për zgjatjen e mandatit të prokurorëve të SPAK?
20 Dhjetor, 19:33
-
Shqipëria e Kosova nesër mbledhje të përbashkët të dy Kuvendeve, ‘përjashtohen’ Berisha e Basha! Lista e deputetëve pjesëmarrës
19 Dhjetor, 14:16 -
Ben Andoni: Politika nuk i njeh më shqiptarët
17 Dhjetor, 17:42
-
Projektligji i PS-së për faljen e gjobave kalon në komisione, amnisti dhe për ndërtimet individuale pa leje në fshat e qytet në 10 vitet e fundit
17 Dhjetor, 11:38 -
Kriza me Gjykatën Kushtetuese, Karaj: Zaçaj ka firmosur mandatin e lënë nga Vitore Tusha deri në mars! Flogert Muça: Amerikanët nuk kanë reaguar, ky është mesazhi!
16 Dhjetor, 22:31
