POP 5

Lajmet më të lexuara të 5 minutave të fundit

Kronikë

AMP nis hetimet për një grup kriminal të shpërndarjes së drogave në Tiranë! Pjesë e tij një sirian dhe efektivi i antidrogës në Shkodër (EMRI)

Një sirian me shtetësi shqiptare, i cili u kap me një sasi të vogël lënde narkotike duke lëvizur me makinën e një efektivi policie në Tiranë, alarmoi Agjencinë e Mbikëqyrjes Policore, duke nisur hetimet e menjëhershme për një grup të trafikut të narkotikëve në kryeqytet.

Tirane- Një sirian me shtetësi shqiptare, i cili u kap me një sasi të vogël lënde narkotike duke lëvizur me makinën e një efektivi policie në Tiranë, alarmoi Agjencinë e Mbikëqyrjes Policore, duke nisur hetimet e menjëhershme për një grup të trafikut të narkotikëve në kryeqytet.

Wasim Hajjazi, 27 vjeç, u konstatua nga shërbimet e Komisariatit nr. 1 në Tiranë të hënën e 15 janarit rreth orës 19:30 dhe gjatë kontrollit iu gjet lënda narkotike kokainë dhe u provua se po lëvizte me makinën e një agjenti të antidrogës së Policisë së Shkodrës.

Polici, i cili supozohet të gjurmoj shitjen dhe shpërndarjen e drogës, kësaj here mund të jetë bërë mburojë dhe garant për daljen e saj në treg.

Siriani Hajjazi u arrestua në flagrancë, ndërsa polici është vënë në hetim të menjëhershëm nga AMP, për të parë në mënyrë të detajuar rolin e tij në trafikim apo shpërndarje droge.

Dyshimet e mbikëqyrjes policore janë se mjeti është përdorur për 2 qëllime, lehtësim të lëvizjes së sirianit, i cili rezulton me precedent të theksuar kriminal të mëparshëm, sidomos në trafikun e drogës dhe lëvizjen apo transportimin e narkotikëve me këtë makinë.

Hetuesit pritet të fusin në filtër të gjitha komunikimet që polici i antidrogës ka pasur me sirianin, për të kuptuar rolin e tij në këtë marrëdhënie kaq “miqësore” dhe mundësinë e përfshirjes në një grup kriminal të trafikut të lëndëve narkotike.

Rendit zhvillimet sipas orarit:
Ora 12:35
Hetimet e AMP: Siriani lëvizte me makinën e efektivit të antidrogës! Me vete i gjejnë kokainë

1705480864_arrestimnaten.jpg

Foto ilustruese

Agjencia e Mbikqyrjes Policore jep detaje lidhur me hetimet për grupin kriminal që merret me shpërndarjen e drogave në Tiranë.

Mësohet se është arrestuar në flagracë shtetasin W.H., 27 vjeç ndërsa po heton në gjëndje të lirë punonjësin e policisë N/Komisar  me detyrë Specialist në Seksionin kundër Narkotikëve në DVP Shkodër.

"Agjencia e Mbikëqyrjes Policore (Rajoni Tiranë) ka arrestuar në flagracë shtetasin W.H., 27 vjeç, si person i dyshuar për kryerjen e veprës penale “Prodhim dhe shitje e narkotikëve” e kryer në bashkëpunim, si edhe ka proceduar në gjendje të lirë punonjësin e policisë N/Komisar H.P., me detyrë Specialist në Seksionin kundër Narkotikëve në DVP Shkodër.

Procedimi penal në ngarkim të tyre ka nisur pasi në datë 15 janar, rreth orës 19:30, shtetasi W.H., me kombësi siriane e shtetësi shqiptare, me precedentë të mëparshëm kriminal, është konstatuar nga shërbimet e Komisariatit të Policisë Nr. 1 Tiranë duke qarkulluar me automjetin në pronësi të punonjësit të policisë H.P., e gjatë kontrollit personal iu gjet e sekuestrua në cilësinë e provës materiale një sasi lënde narkotike e dyshuar kokainë" informoi sot AMP.

 

S.G/Shqiptarja.com

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Biden autorizoi Ukrainën për përdorimin e raketave me rreze të gjatë veprimi, NYT: Frikë nga përgjigja e Putinit

Biden autorizoi Ukrainën për përdorimin e raketave me rreze të gjatë veprimi, NYT: Frikë nga përgjigja e Putinit

17 Nëntor, 20:09