POP 5

Lajmet më të lexuara të 5 minutave të fundit

Kronikë

Anëtarët e grupit “Çiftelia” 
dëshmi në gjyqin ndaj Frrokut

Teksa dëshmitari kryesor në procesin gjyqësor kundër të pandehurit Arben Frroku ka mbyllur një javë më parë rrëfimin e tij, Prokuroria e Krimeve të Rënda kërkon të paraqiten në gjykatë dy ish-drejtues të lartë të Policisë së Shtetit.
TIRANE- Teksa dëshmitari kryesor në procesin gjyqësor kundër të pandehurit Arben Frroku ka mbyllur një javë më parë rrëfimin e tij, Prokuroria e Krimeve të Rënda kërkon të paraqiten në gjykatë dy ish-drejtues të lartë të Policisë së Shtetit. Agron Kuliçaj dhe Tonin Vocaj. I pari ka mbajtur postin e zv/drejtorit të Përgjithshëm, ndërsa dyti postin e Drejtorit të Hetimit të Krimeve të Rënda. Shkak i kësaj ftese për të dëshmuar në procesin gjyqësor që po zhvillohet kundër të pandehurit Arben Frroku, është bërë një fotografi, ku dy zyrtarët e lartë të asaj kohe, shfaqen së bashku me Frrokun, duke drekuar dhe kënduar me çifteli.

Fotoja u publikua nga televizioni “A1 Report” dhe që prej asaj dite, anëtarët e asaj drake u etiketuan si grupi “Çiftelia”. Pritet që javën e ardhshme Kuliçaj dhe Tonin Vocaj të paraqiten në gjykatë, për të rrëfyer atë që dinin rreth konliktin mes kryekomisarit të vrarë Dritan Lamaj dhe biznesmenit Arben Frroku. Kuliçaj dhe Vocaj, menjëherë pas vrasjes së Dritan Lamaj kanë hetuar arsyer dhe autorin e kësaj vrasje, që sipas policisë është Arben Frroku.

Gruaja e dëshmitarit
Seancën e djeshme pritej të dëshmonte bashkëshortja e Fatmir Vladit, dëshmitarit të prokurorisë me emrin e koduar Arben Ndoka. Gruaja e këtij të fundit nuk ka qenë në gjëndje të mirë shëndetësore dhe ka shtyrë dëshminë e saj, e cila pritet të dëgjohet nga gjykata me videokonferencë, ashtu si burri i saj Fatmir Vladi. Sipas prokurorisë, dëshmitarja ka qënë prezente në rrugë në momentin kur është qëlluar me dy breshëri automatiku kryekomisari Dritan Lamaj. Ajo ishte duke ecur së bashku me bashkëshortin e saj, kur sipas tyre kanë parë brenda në makinë biznesmenin Arben Frroku.

Kryqëzimi i Frrokut
Seancën e kaluar dëshmitari Fatmir Vladi me anën e rrëfimit të tij ka “kryqëzuar” pozicionin juridik të biznesmenit Arben Frroku. Me anën e një video-konference, Vladi ka treguar se në ngjarjen e shkurtit 2013, ka qënë duke ecur së bashku me gruan e tij kur papritur ka dëgjuar të shtëna të forta automatike. Dëshmitari theksoi se pikërisht në makinën prej nga erdhën të shtënat ka parë tre persona, ku dy kanë qënë të mbuluar me maska ndërsa personi i tretë jo. Ky person sipas tij ishte Arben Frroku dhe se atë ai e ka njohur për shkak se e njihte edhe para kësaj ngjarje. Pavarësisht kësaj dëshmie Frroku ka pretenduar se dëshmitari i prokurorisë është i manipuluar. Kjo pasi sipas tij, dëshmitari Fatmmir Vladi është një person që i ka borxh shuma financiare biznesmenit Arben Frroku dhe se këtë veprim e bën për hakmarrje si pasojë e mos faljes së gjobave prej tij.


Shkrimi u botua në Shqiptarja.com (print) në 30 Tetor 2014

Redaksia Online
(d.a/shqiptarja.com) 
 

/Shqiptarja.com
  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Mourinho bën 'shopping' në Paris, Milan Skriniar përforcon Fenerbahcen

Mourinho bën 'shopping' në Paris, Milan Skriniar përforcon Fenerbahcen

22 Janar, 21:52