POP 5

Lajmet më të lexuara të 5 minutave të fundit

Kultura

Ana Lalaj dekorohet me titullin 
“Kalorës i Urdhërit të Skënderbeut”

Studiueses së njohur në fushën e historisë së Shqipërisë Prof. Dr. Ana Lalaj me dekret të Presidentit të Republikës Bujar Nishani i është akorduar titulli “Kalorës i Urdhërit të Skënderbeut”. 
Ana Lalaj dekorohet me titullin <br />“Kalorës i Urdhërit të Skënderbeut”
Studiueses së njohur në fushën e historisë së Shqipërisë Prof. Dr. Ana Lalaj me dekret të Presidentit të Republikës Bujar Nishani i është akorduar titulli “Kalorës i Urdhërit të Skënderbeut”.

Me dekret nr.9910 në datë 27.12.2016 presidenti i Republikës ka dekoruar historianen e njohur me titullin e lartë me motivacionin “Për punën e saj të palodhur e të çmuar dhjetëravjeçare në fushën e studimeve historike, pasqyruar përmes botimeve të shumta shkencore, si dhe për kontributin e shquar dhënë si historiane e përkushtuar në nxjerrjen në pah e bërjen të njohur të fakteve dhe ngjarjeve historike të kombit tonë në periudha të ndryshme”.

Profesor Ana Lalaj ka qenë një nga bashkëpunëtoret më të mira të njohura të Report TV në debatet dhe intervista televizive për çështje të mprehta të historisë shqiptare të pas ‘900-s. Ajo ka hedhur dritë në çështjen e shkëputjes së kufijve të Shqipërisë. 

Prof.Dr. Ana Lalaj ka lindur në Tiranë dhe ka kryer studimet e larta në degën histori-gjeografi në Universitetin e Tiranës në vitin 1975. Ka punuar disa vite në arsim në rrethin e Matit... Prej vitit 1979 punonjëse shkencore në Institutin e Historisë dhe drejtore e tij në 1997 deri 2005.

Pedagoge e jashtme në Universitetin e Tiranës. Ka kryer specializime në SHBA, në Universitetin Qendror Evropian (Central Europian University) në Budapest, në Universitetin e Oslos, etj. Ka studiuar kryesisht probleme të historisë së shekullit të kaluar të Shqipërisë por edhe Kosovës.

Ka qenë kryeredaktore e revistës “Studime historike” prej 1998 deri 2005, anëtare e Komisionit Kombëtar të UNESCO-s prej 1999 deri 2006 dhe drejtore e Qendrës së Studimeve Shqiptare për Luftën e Ftohtë. Profesore Ana është autore e disa librave historikë.

Redaksia Online
l.q/Shqiptarja.com

  • Sondazhi i ditës:

    Kush mendoni se qëndron mbrapa sulmit ndaj Top Channel?

Lajme të tjera



×

Lajmi i fundit

'Polonia asnjë rast, kanë portier të mirë', Cikalleshi: Kombëtarja ka hapur një kapitull të ri

'Polonia asnjë rast, kanë portier të mirë', Cikalleshi: Kombëtarja ka hapur një kapitull të ri

27 Mars, 22:57