POP 5

Lajmet më të lexuara të 5 minutave të fundit

Politikë

Rama mesazh të koduar Xhafajt? Kryeministri: Po gjuajte shtëpinë me gur, del jashtë!

Kryeministri Edi Rama është shfaqur në Lushnjë për t'i dorëzuar kartën e anëtarësisë disa të rejave dhe të rinjve të këtij qyteti. Ai i njohu ata me kufizimet që do të kenë tashmë, si dhe përcolli një mesazh të koduar, nga ku kuptohet se një anëtar socialist i është kundërvënë "familjes".

Në ditën kur kishte firmosur ndryshimin e parë në kabinetin e tij të dytë, kryeministri Edi Rama u shfaq në Lushnjë për t'i dorëzuar kartën e anëtarësisë disa të rejave dhe të rinjve të këtij qyteti.

Rama i njohu anëtarët e rinj që në ditën e parë me kufizimet që do të kenë tashmë si pjesëtarë të familjes socialiste. “Marrja e kësaj karte nuk është vetëm kënaqësi, ka edhe kufizim lirie. Se unë për shembull hoqa dorë nga dalja nudo në plazh që kur u bëra anëtar partie”, u shpreh ai.

Teksa nuk foli asnjë fjalë mbi ikjen e Fatmir Xhafajt, sulmet ndaj Dakos, apo arrestimin e dy ish deputetëve socialistë, Edi Rama duket se përcolli një mesazh të koduar për ata që duhet ta dëgjojnë.

Tani nuk je më e lirë se brenda në parti nuk i bën dot të gjitha. Se ka ca që thonë jam i lirë, jam i lirë. Je i lirë, po nuk i gjuan dot me gurë shtëpisë ku rrimë të gjjthë. Po gjuajte, ik dil nga shtëpia!

Edi Rama, Kryeministër

Për të demonstruar forcën e votës në skenën politike, kryeministri mori si shembull vendimin për mbylljen e bizneseve të lojrave të fatit. “Vendosëm të mbyllnim kazinotë elektronike dhe bastet, në mënyrë që të mos shkoni nëpër loto dhe të lini atje lekët që prindërit mezi i nxjerrin. Por a do të mbylleshin kazinotë dhe bastet nëse vota do të kishte prodhuar një shumicë dhe qeveri tjetër? Jo nuk do të mbylleshin, sepse nuk u mbyllën kur vota prodhoi një shumicë tjetër qeverisëse”, tha Rama.

Më tej, Bashkim Fino i tha se ishte autori i pikturës në mur, por Rama u kujdes të shpjegonte se nuk ishte e tija, dhe se piktura ishte shtrembëruar pa të drejtë. “Nuk është e imja. Por aty ka qenë shoku Enver tek ajo njolla me të verdhë, ja hoqën më pas. Ha interpretim kjo, s'mund të ndërhysh tek piktura e tjetrit si me yllin tek mozaiku”.

I ndërgjegjshëm se kjo deklaratë do të debatohej, Rama ironizoi paraprakisht opozitën. "Ata që do dalin, nuk e kuptojnë fare se çfarë po them unë. Do dalë Paloka i pari, nga lotoja direkt do dali", u shpreh ai.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kenda: 01/11/2018 21:31

    Edhe nje minister tamam qe kishte kjo qeveri iku.Se cdo behet tani nje zot e di.

    Përgjigju
  • Tironsi: 28/10/2018 15:19

    O Xhaxhi Edi ai I u largua vet me deshiren E tij Ne 1 vit dy ministra me drog turp per te gjith juve politikan leshi

    Përgjigju
  • Vlorë: 27/10/2018 21:45

    E fjalen për shtëpin e Vangjush Dako.

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Spahiu: Meqë Berisha kërkon qeveri teknike me PS, uroj që Rama ta bëj ministër 4 vite

Spahiu: Meqë Berisha kërkon qeveri teknike me PS, uroj që Rama ta bëj ministër 4 vite

27 Nëntor, 22:41