TIRANE - Jep dorëheqjen ministri i Brendshëm, Fatmir Xhafaj. Lajmin e jep kryeministri Edi Rama përmes një postimi në rrjetet sociale i cili njofton se ka pranuar dorëheqjen e Xhafajt, duke e falenderuar atë për kontributin në krye të dikasterit më të rëndësishëm të vendit.
Kreu i qeverisë njofton gjithashtu edhe emrin e ministrit të ri të Brendshëm i cili vjen nga radhët e Forcave të Armatosura dhe mban gradën 'Gjeneral'. Pasardhësi i Fatmir Xhafajt do të jetë Gjeneral Sandër Lleshi, që aktualisht mban detyrën e këshilltarit për sigurinë pranë kryeministrit. Rama i inkurajon ministrin e ri për arritjen e rezultateve pozitive në krye të dikasterit, pasi sipas tij, "traseja" është e shtruar.
Pranova dorëheqjen e ministrit Xhafaj, të cilin e falenderoj për kontributin e çmuar. Gjeneral Sandër Lleshi do të sjellë një energji të re pozitive në krye të Punëve të Brendshme. Traseja është e shtruar. Tani duhet rritur shpejtësia dhe duhen arritur rezultate edhe më domethënëse.
Edi Rama, kryeministër
Emërimi nga Rama i Sandër Lleshit, ministër i Brendshëm
Nuk dihej ende arsyet e dorëheqjes së Xhafajt, por ai ka qenë në qendër të akuzave të opozitës për çështjen e vëllait të tij për dosjen "Babalja". Fatmir Xhafaj u emërua në detyrën e ministrit të Brendshëm në mars 2017, pas shkarkimit të Saimir Tahirit, i vënë gjithashtu në qendër të akuzave dhe sulmeve të opozitës për bashkëpunim në trafik droge me grupin e Habilajve. Detyrë të cilën Xhafaj do ta linte në maj 2017, pas paktit të 17 majit Rama-Basha dhe do të emërohej ministri teknik Dritan Demiraj. Por pas fitores së zgjedhjeve parlamentare nga PS, Xhafaj u rikthye në të njëjtën detyrë në kabinetin "Rama 2".
Dorëheqja e Xhafajt vjen e papritur në një kohë kur si ish-ministri, por edhe kryeministri Edi Rama, krenoheshin për punën e policisë së shtetit, në betejën me krimin e organizuar. Vetëm një javë më më parë, "Forca e Ligjit" organizoi një megaoperacion të koduar "VOL-VO 4" në 12 qytete të vendit duke çuar në pranga 34 persona, mes tyre dy ish deputetët e PS, Arben Ndoka dhe Abren Çuko si dhe të tjerët të skeduar si koka të trafikut të drogës dhe organizatorët e laboratorit të heroinës në Has.
Ndërsa në një dalje të përbashkët për mediat me kreun e policisë gjermane, Xhafaj njoftoi se do ketë zhvillime interesante, të cilat nuk vonuan, por njëherazi edhe suprizuan opinionin publik kur kryeministri Edi Rama mëngjesin e kësaj të shtune njoftoi se ka pranuar dorëheqjen e ministrit.
Zhvillimet orë pas ore
Në disa reagime të njëpas-njëshme në Twitter, Xhafaj thotë se që pas dhënies së dorëheqjes ka marrë shumë mesazhe vlerësimi, si edhe falenderon të gjithë ata që i kanë shkruar. Ish-ministri sfidon opozitën për të provuar akuzat në drejtim të tij, që nga sot që nuk është më ministër. Gjithashtu, Xhafaj thekson se i përbuz shpifjet e të gjithë atyre që s’kuptojnë se në politikë ka njerëz të lirë.
Presidenti i Republikës, Ilir Meta dekreton propozimin e kryeministrit Edi Rama për shkarkimin e ministrit të Brendshëm Fatmir Xhafaj. Kreu i Shtetit pritet të vendosë për emërimin në vend të tij të Gjeneral Sandër Lleshit.
Më herët, Fatmir Xhafaj i paraqiti dorëheqjen Ramës, e cila u pranua nga kryeministri. Sandër Lleshi ka një karrierë të gjatë në Forcat e Armatosura, ndërsa mbante detyrën e këshilltarit të kryeministrit për sigurinë.
Nëse kreu i shtetit do dekretojë edhe emërimin e ministrit të ri Sandër Lleshi, lëbvizjet në kabinet do votohen në Kuvend seancën e ardhshme.
Pas dorëheqjes së Fatmir Xhafajt ka reaguar edhe PDIU. Sekretarja e Përgjithshme e kësaj force politike, Mesila Doda u shpreh se ka ardhur koha për të verifikuar maxhorancën, pasi sipas saj sot nuk është më as PS në pushtet, por vetëm Rilindja.
Ramën se shpeton dot më asgjë sepse tani përfundimisht PS është në Opozitë bashkë me ne, dhe në pushtet është vetëm Rilindja. Vendi ka nevojë që të verifikojë mazhorancën, nëpërmjet zgjedhjeve të përgjithshme dhe vendore. Dorëheqja e Xhafës dhe Tahirit, nuk e shpëtojnë Edi Ramën. Përballë këtij skandali, PDIU mbështet çdo veprim të opozitës së bashkuar për të krijuar klimën e favorshme dhe siguritë e domosdoshme për ndryshimin e pushtetit politik të sotëm që është bazuar dhe ka perfeksionuar blerjen dhe manipulimin e votës, një sistem që ka ngritur Rilindja e Edi Ramës në bashkpunim me bandat elektorale të vendit.
Mesila Doda, PDIU
Ministri i Brendshëm në detyrë, Fatmir Xhafaj ka mbërritur në zyrën e tij në Ministrinë e Brendshme, pas dorëheqjes që dha nga posti. Në një koment të shkurtër për mediat teksa hynte në Ministrinë e Brendshme, Xhafaj falenderoi gazetarët, por edhe familjen e tij.
Hera e parë që vij kaq me vonesë, pas një mbledhje shumë të këndshme me bashkëshorten, familjen time dhe me mbesën. Kalova një mëngjes shumë të këndshëm me bashkëshorten dhe familjen time, sigurisht dhe me mbesën. Të dytët që takoj jeni ju dhe jam shumë i lumtur që ju takoj, pasi kemi bashkëpunuar mirë, shumë mirë dhe jam mirënjohës për gjithë cfarë kemi bërë sëbashku.
Fatmir Xhafaj, ministër i Brendshëm
"Me vullnetin tim, i kam paraqitur Kryeministrit Edi Rama dorëheqjen time si Ministër i Brendshëm, duke e falënderuar për besimin e dhënë me emërimin në këtë detyrë të rëndësishme". Kështu shprehet Fatmir Xhafaj në një deklaratë të shpërndarë për mediat pas dorëheqjes nga posti i ministrit të Brendshëm.
Deklarata e plotë:
Pas më shumë se 1 viti në krye të Ministrisë së Brendshme, me vullnetin tim, i kam paraqitur Kryeministrit Edi Rama dorëheqjen time si Ministër i Brendshëm, duke e falënderuar për besimin e dhënë me emërimin në këtë detyrë të rëndësishme.
Erdha në këtë detyrë për një mision të vështirë, shërbeva me pasion, me modesti dhe me devotshmëri në shërbim të shtetit, të ligjit dhe të qytetarëve.
Sfidat kanë qenë tepër të mëdha, por jam krenar se në krye të një ekipi me integritet e përkushtim në Ministrinë e Brendshme dhe Policinë e Shtetit, kemi mundur të arrijmë suksese shumë të rëndësishme në forcimin e rendit dhe sigurisë në vend, disa prej tyre të konsideruara të pamundura për vite të tëra.
Falënderoj të gjithë ekipin, kolegët, miqtë e mi dhe veçanërisht familjen time, si dhe të gjithë ata që më vlerësuan, besuan dhe më mbështetën gjatë gjithë kësaj periudhe.
Vlerësim dhe mirënjohje nga zemra për të gjithë ata gra dhe burra në uniformë, për gjithçka bënë gjatë kësaj periudhe në luftë me krimin dhe paligjshmërinë. Një falënderim i veçantë edhe për partnerët vendas dhe ata të huaj, agjencitë ligj zbatuese vendase e ndërkombëtare, mbështetja e të cilëve ka qenë një inkurajim shumë i rëndësishëm.
Reagimeve të opozitës pas dorëheqjes së Fatmir Xhafajt, i është shtuar edhe ish-kryeministri Sali Berisha. Në një postim në Facebook, Berisha thotë se Rama bëri kurban Xhafajn për të shpëtuar kryebashkiakun e Durrësit Vangjush Dako. Ky i fundit është përgjuar në biseda telefonike nga Prokuroria me anëtarë të grupit kriminal Avdylaj, të cilët u arrestuan në kuadër të megaoperacionit "VOL-VO 4".
Reagimi i Berishës:
Edvini, kreu i meduzes, mafies shteterore me te rrezikshme te Europes, shiti Xhafen per te shpetuar Gjushin dhe lekuren e tij! Te dashur miq, pas nje beteje te furishme, opozita shqiptare ia doli ti jape nje goditje te merituar familjes mafioze Xhafaj, Agron/Geroni ne burg dhe aty e ka vendin Fatzi Xhafa, njeru qe futi ne polici te gjitha metodat e punes te mafies se policise sekrete hoxhiste per te mbrojtur lekuren dhe karrigen e tij.
Ne nje aspekt opozita ia doli. Por shtylla kryesore e botes se mafies, krimit te organizuar, korrupsionit, kreu i meduzes ne Shqiperi eshte Edvin Kristaq Rama, i cili ne nje moment kritik per veten e tij sakrifikoi Xhafen per Gjushin dhe vendosi ne krye te ministrise nje vasal te tij. Kakistokracia e Shqiperise eshte ne agoni. Asgje, asnje vasal as dhe paterice nuk shpeton Noriegen nga verdikti i afert i revoltes popullore. sb
Kryetari i PD, Lulzim Basha ka reaguar pas dorëheqjes së ministrit të Brendshëm, Fatmir Xhafaj. Në një status në rrjetet sociale, Basha e cilëson dorëheqjen e Xhafajt një hap të rëndësishëm sipas tij në betejën për të pastruar politikën nga krimi.
Largimi i Fatmir Xhafës, të vetmit ministër të brendshëm në Europë me vëllain trafikant droge, është një hap i rëndësishëm në betejën tonë për të pastruar politikën nga krimi. Me Fatmir Xhafën krimi vuri nën kontroll të plotë policinë dhe prokurorinë. Por largimi i tij është vetëm fillimi i shkërmoqjes së bashkëqeverisjes së Edi Ramës me krimin. Beteja për çlirimin e politikës, ekonomisë dhe shoqërisë nga krimi do të vazhdojë deri në fitore. Shqiptarët meritojnë një qeveri që punon për njerëzit.
Lulzim Basha, kryetar i PD
Vjen reagimi i parë nga opozita, pas dorëheqjes së ministrit të brenshëm Fatmir Xhafajt. Është deputeti i LSI, Petrit Vasili që ka reaguar në rrjetet sociale, duke thënë se bashkë me Xhafajn duhet të kishte ikur edhe Rama. Ai shton se ky kryeministër është pa të ardhme dhe i shplarë politikisht.
Reagimi i Vasilit:
Po ky kryeminister i shplare politikisht dhe moralisht, pa te shkuar dhe pa asnje te ardhme ç’ben akoma ne ate zyre. Apo sigurisht zvarritet edhe ca, per te ikur turpshem dhe pa asnje dinjitet sic vetem ai mund te iki. Dorëheqja e Xhafajt ka qenë një vendim i papritur brenda radhëve të qeverisë, ndërsa kryeministri Rama ka gjetur dhe pasuesin e tij, do të jetë gjeneral Sandër Lleshi. Ky i fundit ka qenë këshilltari i kryeministrit Rama për çështjen e sigurisë kombëtare.
Xhafaj ka qenë një nga ministrat më të sulmuar të qeverisë Rama për shkak të dënimit të vëllait të tij për çështje droge në Itali. Fatmir Xhafaj ka pasuar Saimir Tahirin në postin e ministrit të brendshëm, dhe ka qenë një nga personat që ka qenë pararojë e hartimit të Reformës në Drejtësi, duke mbajtur shumë poste të rëndësishme edhe brenda PS-së. Ai u emërua si ministër në Marsin e vitit të shkuar.
Komente
Lajme të tjera
-
Ndalimi i Tik Tok-ut, Rama i përgjigjet kompanisë kineze: Në Shqipëri vendosin shqiptarët jo pronarët e algoritmit! S' ka pse kërkon sqarime, mbrojmë fëmijët
22 Dhjetor, 17:12 -
Zhupa: Vrasjen e paramenduar të Ramës kundër Tik Tok për arsye elektorale nuk do ta lejojmë
22 Dhjetor, 12:52 -
Himarë, hipotekohen shtëpitë e trashëguara, Rama garanton: Do japim dhe AMTP-të! Parkim nëntokësor tek Fusha e Sportit, ndërhyjmë në Borsh
22 Dhjetor, 11:20 -
AKSK: Nisim procesin tekniko-ligjor për bllokimin e TikTok
22 Dhjetor, 08:41 -
Mbyllja e TikTok për 1 vit, gazetarja amerikane: Shqipëria e ndaloi sepse po dëmton fëmijët, duhet vetëm vullnet politik
22 Dhjetor, 07:58 -
Shqipëria mbyll TikTok për 1 vit, reagon kompania kineze: Presim sqarime urgjente! 2 adoleshentët s'kishin llogari tek ne! Rama: E duan 90% e prindërve
22 Dhjetor, 06:59 -
Lezha si asnjëherë tjetër për fundvitin, Rama: Aty ku simboli i Betlehemit është ngritur për herë të parë, pranë ‘Fshatit të festave’ (VIDEO)
21 Dhjetor, 21:59 -
Ilir Yzeiri: Teksti i Edi Ramës dhe fshati i madh shqiptar
21 Dhjetor, 19:45
-
Mediat ndërkombëtare jehonë lajmit për mbylljen e TikTok në Shqipëri
21 Dhjetor, 19:10 -
Paralajmërimi i Bashës për opozitën: Koha na dha të drejtë, pazari Rama-Berisha për të mbrojtur pandëshkueshmërinë, ishte mesazh kundër SPAK
21 Dhjetor, 16:57 -
Takimi i dy Kuvendeve/ Spahiu për Report TV: Kurti premtoi bashkim kombëtar, por për 4 vjet shpiku idenë e kombit kosovar! Të hiqen kufijtë Shqipëri-Kosovë
21 Dhjetor, 15:36 -
TikTok do mbyllet për 1 vit në Shqipëri, Rama: Rrugaçëri, promovon dhunë e krim! Institut për fëmijët në konflikt me ligjin
21 Dhjetor, 13:17
Eshte nje nga ministrat qe ka punuar me fort ne kete qeveri.
PërgjigjuA mos befsh prokopi qe me.cove dhe mua ne burg o Fatzi. Hahahahhaha. Po ti je njerou me i pabes qe ekziston. Nuk kirseve as vellane o i poshter per karriken tende. Turp per ata qe te kan ne familje.
PërgjigjuMe ne fund nje Minister i ndershem ne nje ministri te veshtire. Pune te mbare
PërgjigjuKjo eshte levizje strategjike e nderkombetareve. Tani do kercasin prangat. Ne krye te prokurorise nje prokurore e perkohshme.Ne krye te ministrise se brendshme nje minister i perkohshem. Ky eshte tranzicioni kunder krimit dhe politikes.
PërgjigjuO Lato! Çfare ke tymos mer plak?!!
Kriminelet e PD_s duhet të kapen, nese ketë gjë do ta bëjë Xhafa do quhej hakmarrje... E tani do shofim dorën e e hekurt ndaj krimit... Suksese
PërgjigjuSander Lleshi vjen nga nje familje e varfer nga Kurbneshi i Mirdites, cdo gje e ka arritur i vetem dhe me djerse. Ushtarak karriere i paster dhe intelektual. Nuk e kane sjelle ketu as vellezerit me leke droge dhe as shoket me leke prostitucioni. Do shikojme spektakel se ca do u beje policeve te korruptuar. Shpresoj qe Rama ti leje hapesire te beje punen sic e di ai vete.
PërgjigjuTani qe vune nje mirditor mori fund fare ligji edhe pula e ka me te larte IQ se gjithe veriu shqiperise.
pse gezoheni? xhafaj boni reformen ne drejtesi normalr nje dite do ikte. MR lleshi suksese edhe do jet me i ashper me krimin. nuk do jet gjat qe opozita e mbaruar do filloje me lleshin.
Përgjigjui vetmi qe shkaterroi te gjith kupolen e trafikut te ashashit ish drejtorat ka pas shum kundershatar qe iku se doni
Përgjigju..Ministri Z.Xhafa..,ishte me i miri dhe me i besueshmi nder vite...!..Rama ka bere levisjen e gabuar...?!
PërgjigjuMos veprimi ose militantizmi politik ne drejtesi solli kete gjendje ku hwmi sot . Berusha , Luli dhe klani i tij kane ne dore nateruale sekrete qe vijne jo nga katunari digjital po nga organe t lugj zbatuese , sidomos nga prokurire dhe shikas te korruptuar , qe abuzohne me pushtetin . Vradesit e Gerdecit dhe 21 Janarit jo vetem hand te lure , por sot akuzojne dhe prokuroria arreston vetem njerez te mazhorances . Vetingu pi vonohwt se dyan qe te mos keijohen Spaku dhe B e hetmit . Per mua peokuroria eshte ne shwrbim te opozites te oakten deri tani
PërgjigjuNuk behet ai vend kurre,kush mundet te iki nga atje.Sa filluan arrestimet e horrave u merziten atletaxhiu saliu dhe likja dhe e qeruan Xhafen.Bravo jeni bira kur.... 100 perqind si ju pelqen juve
PërgjigjuShqiptaret jan llafazanë flasin kot.
PërgjigjuCfare gezimi! Do festojme sot edhe fishekzjarre do plasim nga gezimi madh
PërgjigjuSa mire e bere , Zoti i degjoj lutjet... mos e befsh piken e hajrit!!! E shkaterrove policine dhe Shqiperine...
PërgjigjuTani po ed rama duhet te arrestoj sali berishen lulin monen dhe te shkarkoi urgjrntisht ilir meten per vjedhje masive te pasuris kombetare dhe saliun per gjenocid te viteve 1997 8 dhe tradheti kombetare
PërgjigjuSander leshin minister???? Shqiptare ikni nga ky vend!!!! Nuk ka kurre shansin te behet!!! Ed debil gomari paska rrjedhur perfundimisht..... Sandroja eshte nje i ashtuquajtur general kari, nje ligesire dhe Uriah hip, nje nga PDistet me te flliqur, ai nuk ka shkolle as per pastruse haleshe.... Fatkeqesite nuk mbarokan ne kete vend... se per cudira nuk I ben askujt me pershtypje.... Ka vetem nje zgjidhje: ose revelucion ose te gjithe shqiptaret te ikin nga ky vend nuk behet....Shume me thoshin qe rama ka rrjedhur... nuk besoja, e doja, besoja.... ne fakt paska shkuar per lesh... qenka shume debil, vec te tjerave...
PërgjigjuPak me me edukate se nderon beten tende. Nuk e njeh Sander Lleshit ti se ndryshe nuk do te shpreheshe keshtu. Te pakten mos shpif e mos ofendo. Nese do ta njihje vete personalisht, jam I sigurt qe do ta beje Mik per here. Te pershendes
Une se marr vesh ca ben ky rama. Njeriun me te pergatititur te kabinetitt i lejon te largohet. Po kshu eshte kur sdo njerzit e afte afer se ka frik mos e rrezojne. Fatmir Xhafaj do behet Kreyminister me porosi te SHBA-BE.
PërgjigjuMe cudit kjo "dashuri" e kryeministrit per ushtaraket dhe ish-ushtaraket, por jo per ata prej se verteti ama!!
PërgjigjuKrimi fitoi, nje pune e tille ne min. e Brendeshme nuk ishte pare qe nga 90-ta. Keqardhje per doreheqjen e Ministrit Xhafa...
PërgjigjuNje doreheqje qe duhej dhene qe ne fillim jo se e kerkoi opozita por se ka nje konflikt te forte interesi kur vellai i ministrit eshte ne probleme drejtesie ne nje vend tjeter, i akuzuar dhe ne hetim dhe brenda vendit dhe te mbash postin e ministrit te brendshem kjo nuk shkon. Moralisht fillimisht dhe me pas politikisht. Dhe mbajtja e ministrit ne detyre gjeneroi kosto te larte politike, duke perfshire ketu edhe qytetaret. Por te shpresojme qe doreheqja nuk vjen si pasoje e presioneve te ish ministrit Tahiri, pasi kjo do te thote se palet dine shume per njera-tjetren dhe kjo nuk i nxjerr ata me te paster moralisht, se te dish dhe te mos kallzosh mbi krimet qe ke dijeni kjo eshte veper penale.
PërgjigjuTani cdo gje pritet, cdo gje eshte e paqendrueshme, konjukturat e politikes jane zberthyer deri ne detaje. Cdo politikan i madh ka nje grup tejet te strukturuar qe kane zaptuar cdo gje ne jetet e shqiptareve si naten dhe diten. Po si ka mundesi u zbuluan tani?! Me pare cdo gje ishte ne dore te fqinjeve. Tani ka hyre nje i trete me interesa me te vogla ekinomike qe po na shikon pozitivisht. Ai po behet ne njefare menyre shpetimtari i Shqiperise.
PërgjigjuSa ju trrembi konferenca e sajes ore me vrap iku ky, ishalla kemben zvarr dhe i terheq te gjithe
Përgjigju