POP 5

Lajmet më të lexuara të 5 minutave të fundit

Arkiva

Anëtarët e Këshillit Mbikqyrës të BSH-së nuk paraqiten në Komisionin e Ekonomisë

TIRANË- Anëtarët e Këshillit Mbikqyrës të Bankës së Shqipërisë nuk raportuan të hënën, siç ishte parashikuar, në Komisionin e Ekonomisë lidhur me vjedhjen e 713 milionë euro në Thesarin e Bankës, pasi një pjesë e tyre tashmë kanë dëshmuar në Prokurori dhe dëshmia e tyre mund të cënonte sekretin e hetimit.
Anëtarët e Këshillit Mbikqyrës, Ermelinda Meksi dhe Adrian Civici parashikohej të paraqiteshin sot para deputetëve të komisionit, por znj. Meksi në një shkresë dërguar Kuvendit sqaron se nuk mund të raportojë, pasi ka dëshmuar në prokurori dhe dëshmia e saj në komision cënon sekretin e hetimit duke e implikuar atë, referuar edhe Kodit Penal.
Në nisje të punimeve të Komisionit të Ekonomisë, Kryetari Erjon Braçe tha se Prokuroria e Tiranës ka kërkuar mirëkuptimin e komisionit, pasi anëtarët e Këshillit janë thirrur për të dëshmuar në prokurori.
4 anëtarë të Këshillit Mbikqyrës, Elisabeta Gjoni (Guvernatore e komanduar e BSH-së), Adrian Civici, Dhori Kule dhe Petraq Milo do të dëshmojnë sot përpara Prokurorisë.
Ndërkohë, kryeministri Edi Rama pritet të vizitojë sot Bankën e Shqipërisë, ku do të takojë guvernatoren në detyrë, Elisabeta Gjoni dhe anëtarët e tjerë të Këshillit Mbikqyrës.
Kryeministri Rama ka takuar Presidentin Nishani dhe disa prej anëtarëve të Këshillit Mbikqyrës të Bankës së Shqipërisë, për të diskutuar lidhur me situatën e krijuar, si edhe me domosdoshmërinë e vazhdimit të funksionimit normal të institucionit, pas arrestimit të Guvernatorit Ardian Fullani. Kryeministri ka shprehur besimin e tij të plotë se Banka e Shqipërisë do të dalë më e fortë, më e sigurtë dhe më transparente nga ky proces i vështirë, por i shëndetshëm ndryshimi, në një kohë kur sistemi bankar në tërësi është solid e në rritje të ndjeshme.
Policia e Shtetit ka arrestuar te premten në mbrëmje Guvernatorin e Bankës së Shqipërisë, Ardian Fullani.
Fullani akuzohet për shpërdorim detyre, pas vjedhjes së 713 milionë lekëve, të zbuluar pak javë më parë./ATSH/

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Formula 1/ Një javë më parë u shpall kampion bote, Max Verstappen fiton 'pole' në Katar! Pas tij Russell dhe Norris (VIDEO)

30 Nëntor, 22:22