Anglia rrezikon nga racizmi,
familjarët bojkotojnë Euro 2012

Disa familjarë të futbollistëve me ngjyrë të Anglisë nuk do të udhëtojnë për në Euro 2012 për shkak të frikës për fyerje raciste dhe dhunës. Ish futbollisti i Anglisë, Mark Chamberlain, babai i futbollistit të Arsenalit, Alex Oxlade-Chamberlain ka thënë për Sky Sports News se do të qëndrojë në shtëpi në vend që të shkojë në Poloni dhe Ukrainë.

Qeveria e Britanisë dhe organizatat për të drejta të njeriut kanë paralajmëruar për mundësinë e fyerjeve raciste në shtetet pritëse. Chamberlain ka thënë se është “brengë e madhe” dhe se ai “mendoj që siguria juaj duhet të jetë më e rëndësishme se loja e futbollit”.

Javën e kaluar edhe familja e mesfushorit të Arsenalit, Theo Walcott, një tjetër futbollisti i Anglisë – ka paralajmëruar se do të qëndrojë në shtëpi për shkaqe të njëjta. Huliganizmi është mjaft i njohur mes naziskinëve në Ukrainë dhe Poloni, dhe ata kanë paralajmëruar trazira në Euro 2012 këtë verë.(rb/shqiptarja.com)