Në mesin e polemikës mes mbrojtësve për shkak të një ofendimi racist në dëm të vëllait të Ferdinand, trajneri Hodgson zgjedh Terry për në Euro 2012. Rio Ferdinand ka marrë lajmin e hidhur nga trajneri i Anglisë, Roy Hodgson që ai nuk do të jetë në ekipin e 3 luanëve për turneun Euro 2012.

Tekniku i Anglisë ka vendosur të thërrasë vetëm John Terry mes 23 futbollistëve në listë. "Po, është e vërtetë që nuk jam më në kombëtare" tha Rio Ferdinand kur u pyet për lajmin e përjashtimit. Kjo lënie jashtë, duket se i ka dhënë fund karrierës ndërkombëtare të mbrojtësit me Anglinë.

Lënia jashtë e Ferdinand dhe Phil Jagielka, ka riformatuar skemat e Anglisë për Europianin e futbollit që do të zhvillohet këtë verë. Lista e pazyrtarizuar:

Portierë: Joe Hart (Man City), Scott Carson (Bursapor), John Ruddy (Norwich)
Mbrojtës: Glen Johnson (Liverpool), Phil Jones (Man United), John Terry (Chelsea), Joleon Lescott (Man City), Gary Cahill (Chelsea), Ashley Cole (Chelsea), Leighton Baines (Everton)
Mesfushorë: Theo Walcott (Arsenal), Aaron Lennon (Tottenham), Alex Oxlade-Chamberlain (Arsenal), Steven Gerrard (Liverpool), Gareth Barry (Man City), Frank Lampard (Chelsea), Scott Parker (Tottenham), Ashley Young (Man United), James Milner (Man City)
Sulmues: Wayne Rooney (Man United), Danny Welbeck (Man United), Andy Carroll (Liverpool), Daniel Sturridge (Chelsea)
(rb/shqiptarja.com)