Ngjarja e rëndë e datës 6 korrik 2023 ku anëtarët e fisit Rraja dhunuan në një lokal Biblil e Jashar Majën, u bë shkak për një situatë të paprecedent në Policinë e Shtetit ku komisariati i qytetit të Krujës, është nxjerrë jashtë funksionit. Kompetencat e tij i ka marrë prej datës 8 korrik, drejtori i policisë së Tiranës Tonin Vocaj.
Për shkak të mosveprimit pas denoncimeve të banorëve të zonës së Borizanës, dhe reagimit të pamjaftueshëm e të vonuar ndaj akteve të dhunës, Shefi i komisariatit, Shefi i rendit, Shefi i Krimeve, inspektorët e krimeve dhe Inspektoret e rendit në komisariatin e Krujës, janë pezulluar derisa të zëvendësohen me të rinj. Banorët e zonës, kanë folur për të paktën 40 ankesa që kanë bërë për shpërthimet në guroren e cila sipas komunikatës së policisë, është në distancë 300 metër nga fshati.
Kompania që disponon lejen minerare për guroren, 'Doku P', në pronësi të Përparim Rrajës, e ka trashëguar nga pronari i mëhershëm, edhe objektin e aktivitetit për përdorimin civil të lëndëve plasëse. Më 11 dhjetor 2002, subjekti ka bërë shtimin e objektit të veprimtarise së shoqerisë me përdorim të lëndëve plasëse dhe shpërthyese gjatë prodhimit të materialeve të ndërtimit. Më pas, sipas ligjeve në fuqi, institucionet që kanë dhënë lejet për përdorimin e lëndëve plasëse, kanë qenë Ministria e Brendshme dhe ajo e Energjitikës. Konkretisht, sipas pikës 2, të nenit 7 të ligjit për “PER PERDORIMIN CIVIL TE LENDEVE PLASESE NE REPUBLIKEN E SHQIPERISE”, lëndët plasëse për përdorim civil transferohen, magazinohen dhe asgjësohen vetëm me leje nga Ministria e Brendshme. Pika tre e atij neni, përcakton se lendet plasëse për përdorim civil përdoren vetëm me leje nga Ministria e Industrisë dhe e Energjetikës.
Ndërkohë, intenstiteti i shpërthimeve, dhe dëmet e shkaktuara në ndërtesa, duhej të shërbenin si këmbanë alarmi për policinë, si organ varësie i Ministrisë së Brendshme, duhej të bënte rritjen e kontrollit dhe të vëmendjes ndaj ngjarjes, sa i përket sasisë së lëndës plasëse dhe intensitetit të përdorimit të saj. Në rast shqetësimesh, dëmesh apo shkelje të lejes, qoftë për sasinë e lëndës plasesë të përdorur, qoftë edhe për fuqinë e saj, sipas ligjit, kompetencën për të pezulluar ose hequr lejen në fjalë e ka Ministria e Energjitikës. Ajo që dihet është se shpërthimet kanë vazhduar deri në fillim të korrikut në zonë dhe se banorët, përfshirë edhe të dhunuarit, Bilbil e Jashar Maja, kishin kërkuar takim me inxhinierët e gurores për t'i thënë që të ulte fuqinë e shpërthimeve.
Është e paqartë nëse policia dhe ministria e Energjitikës kanë kryer kontrolle dhe kanë marrë masa lidhur me sasinë e lëndës plasëse të përdorur nga kompania e Përparim Rrajës. Pavarësisht se kompania e kishte në objekt të punës përdorimin e lëndëve plasëse para se të blihej nga kushëriri i deputetit të PS, ai duket se ka marrë dhe ka përdorur një leje të re, pasi në ligjin përkatës, pika 5 e nenit 9, përcakton se “leja e dhënë nuk i transferohet personave te tjerë”. Në ligjin për lejet minerare në Shqipëri, theksohet se “Për dëmtimet e shkaktuara ndaj të tretëve, nga zotëruesi i lejes minerare, përgjegjës është ky i fundit”. Zotëruesi i lejes ngarkohet me ligj që të marrë të gjitha masat e nevojshme për të parandaluar dëmtimin e mjedisit, peizazhit ose pasurive të tjera.
Lajme të tjera
-
Kryepolici Proda emëron 48 shefat e Komisariateve në 12 drejtoritë e qarqeve, asnjë grua! Lista me EMRAT dhe qytetet
18 Dhjetor, 08:51
-
'Rritje e pensioneve, nisur nga më të ultat', ministri Hoxha me ish-punonjës të policisë: Mbështetje për familjet e dëshmorëve
16 Dhjetor, 17:52 -
Gara për 48 shefat e Komisariateve, 9 nga kandidatët ankimojnë rezultatin! Shqyrtimet nga Komisioni bëhen më 16-17 Dhjetor
13 Dhjetor, 15:47 -
Zbardhet lista për garën e shefave të 48 Komisariateve! 102 kandidatë morën më shumë se 70 pikë, 16 u skualifikuan dhe 23 u tërhoqën (RENDITJA)
11 Dhjetor, 17:51 -
Hoxha: Rusia luftë hibride në Ballkanin Perëndimor, i janë shtuar edhe portale shqip! Braçe: Nëse dezinformimi nuk adresohet, ndikon zgjedhjet
4 Dhjetor, 10:45 -
Borxhet e mbartura të Bashkive dhe Ministrive 10,5 mld lekë! Investime pa pasur fonde, Kavaja rekord, Tirana i përgjysmon për 9 muaj
1 Dhjetor, 18:35
-
Vrasja e Martin Canit/ Policia reagon sërish: Mos hidhni më dyshime të pabaza, s’ka autor të dytë! Po synohet nxitja e pasigurisë te qytetarët
28 Nëntor, 12:12
-
Si do shpenzohen 8.2 mld euro në vitin 2025? Ja shpërndarja e buxhetit, institucionet që marrin më shumë lekë
19 Nëntor, 19:21
-
Emërimet e reja/ Ministri Hoxha dhe kryepolici Proda prezantojnë drejtorin e ri të Policisë së Beratit! Detyrat që iu lanë Luigj Vathit
17 Nëntor, 20:39 -
Blushi akuza për arrestimin e Ilir Metës: Policia po ruan emrat e efektivëve që morën pjesë në Operacion, iu mohua edhe avokati
7 Nëntor, 15:06 -
Buxheti i Ministrisë së Brendshme 310 mln euro, 20% më shumë se vjet! Pjesa e ‘luanit’ për policinë, por nuk ka rritje pagash! Ministri: Rrisim investimet
5 Nëntor, 16:16 -
Partia e Lirisë kërkesë Policisë e Ministrisë së Brendshme: Na vini në dispozicion emrat e policëve që ‘rrëmbyen’ Ilir Metën, operacion kriminal
4 Nëntor, 11:46
