TIRANË- Gjykata Evropiane e të Drejtave të Njeriut rrëzoi kërkesën e ish-Guvernatorit të Bankës së Shqipërisë, Ardian Fullani, pas ankimimit të bërë në 22 nëntor 2019, për shkarkimin e tij. Fullani paditi në Strasburg Këshillin Mbikëqyrës të Bankës së Shqipërisë dhe Kuvendin. Në vendimin e zbardhur, sjellë nga gazetari i Report Tv, Arsen Rusta, Gjykata e Strasburgut argumenton se ish-Guvernatori i Bankës së Shqipërisë nuk ka përdorur të gjitha mjetet juridike që parashikon sistemi ligjor në Shqipëri, në këtë rast pa një ankim në Gjykatën Kushtetuese.
" Gjykata e Strasburgut: Z. Fullani nuk ka bërë ankim në Gjykatën Kushtetuese, duke argumentuar se nuk i ishte kërkuar një gjë e tillë, sepse, ndër të tjera, nuk kishte të drejtë kushtetuese për kthim në detyrë apo për të marrë dëmshpërblim. Gjykata nuk u pajtua. Pas reformës në drejtësi në Shqipëri në vitin 2016 dhe ndryshimeve në Kushtetutë, një ankesë individuale kushtetuese nuk kufizohej më në ankesat sipas Nenit 6 (e drejta për një dëgjim të drejtë) të Konventës dhe ishte, në parim, një mjet juridik efektiv në respekt të pretendimeve për çdo shkelje të të drejtave të mbrojtura nga Konventa dhe Protokollet e saj që janë ratifikuar nga Shqipëria. Prandaj, ky mjet juridik duhet të përdoret nga aplikantët, përfshirë z. Fullani, përpara paraqitjes së një kërkese në Gjykatën Evropiane. Si rrjedhim, kërkesa e z. Fullani duhej të refuzohej për mos shterjen e mjeteve juridike të brendshme", thuhet në njoftimin e Gjykatës së Strasburgut.
Adrian Fullani u emërua Guvernator i Bankës së Shqipërisë me një mandate të dytë në vitin 2011, nga Kuvendi. Gjatë vijimësisë së mandatit, tre vite më vonë Fullani u arrestua si i dyshuar për shpërdorim detyre po nga Kuvendi, për zhdukjen e 713 milionë lekëve. Gjykata e la në masën e sigurisë “arrest shtëpie”, ndërsa Apeli e shpalli të pafajshëm në dhjetor të vitit 2015.
Pas triumfit me drejtësinë penale, Ardian Fullani nisi një tjetër betejë, atë të shkarkimit nga detyra, sipas tij të padrejtë. Në 2016-ën ai ngriti padi për kundërshtimin e shkakrimit. Gjykata Administrative e Shkallës së Parë në Tiranë vendosi se ish-Guvernatori i Bankës së Shqipërisë ishte shkarkuar në mënyrë të paligjshme. Gjykata zbuloi se arrestimi i tij nuk e kishte justifikuar shkarkimin nga detyra dhe kishte pasur mangësi procedurale. Ajo urdhëroi Bankën e Shqipërisë të paguante Fullanin me pagën 12-mujore, por e refuzoi.
Më tej, Gjykata Administrative e Apelit të Tiranës e konsideroi të paligjshëm shkarkimin e tij, teksa urdhëroi Bankën e Shqipërisë t’i paguaj jo 12, por 56 pagesa mujore, deri në fund të nëntorit 2018, periudhë kur do të përfundonte edhe mandati i Fullanit. Përfundimisht, në vitin 2017 Gjykata e Lartë la në fuqi vendimin e Apelit Administrativ, duke konsideruar se shkarkimi i Ardian Fullanit ishte i pavlefshëm.
Komente
Lajme të tjera
-
2024 viti i ‘superlekut’, BSH bleu 313 mln euro për stabilizimin e monedhës europiane, planifikon më shumë vitin tjetër
25 Dhjetor, 14:12
-
Rrëzohen të vegjlit për Kodin Zgjedhor, Elezi: Akt tradhtie, Berisha shiti zgjedhjet! Kulluri: Shqiptarët do zgjedhin rreth 20 deputetë
24 Dhjetor, 18:03 -
Afera Partizani/ Ankimoi masën arrest në shtëpi, Kushtetuesja shtyn për vitin e ardhshëm shqyrtimin e kërkesës së Berishës
24 Dhjetor, 16:31 -
Gjykata Kushtetuese rrëzon ankimimin e partive të vogla për Kodin Zgjedhor: Pretendime të pabazuara, nuk cenohet barazia para ligjit (VENDIMI)
24 Dhjetor, 16:23 -
Rritet lehtë edhe inflacioni bazë, në nëntor arriti në 2.34%
24 Dhjetor, 14:28 -
'Bie' Holta Zaçaj, kolegët në Kushtetuese votojnë që mandati t'i përfundojë më 10 mars 2025
23 Dhjetor, 16:04 -
Mali i Zi, opozita bojkoton Parlamentin për shkak të Gjykatës Kushtetuese
22 Dhjetor, 08:07 -
Transfertat në SEPA, data më e afërt për bankat shqiptare është 5 tetori 2025
20 Dhjetor, 10:58 -
Dosja 'Metamorfoza'/ Kërkesa e biznesmenit Pëllumb Gjoka për pavlefshmëri të përgjimeve nga Sky ECC, Kushtetuesja tërhiqet për vendim
19 Dhjetor, 15:05 -
BSH mbyll 2024 me normën bazë interesi 2.75%! Sejko: Kemi blerë euro për të stabilizuar kursin e këmbimit! Ka rritje punësimi
18 Dhjetor, 16:42
-
Ripërtëritja e Kushtetueses/ Syri kërcënon anëtarët e Gjykatës: Burg nëse ndërprisni mandatin e gruas së Andi Bejtjes, shefit të lajmeve te Syri Tv
17 Dhjetor, 16:47 -
Seanca për mbarimin e mandatit të kryetares së Gjykatës Kushtetuese, Holta Zaçaj shtyhet për 23 dhjetor
17 Dhjetor, 16:18
O Shqiptar shikoni se çfar njeriu është Hajduti Adrian Fullani. Ja do dhe shpërblim për mega vjedhjet që ka bër. Kto çudira ndodhin vetëm në Albanistan. Ky jo vetëm që s'bën burg po do dhe shpërblim që është hajdut. Sa ky mendon se është zheni në një koh që është cop mishi me dy sy.
Përgjigju