POP 5

Lajmet më të lexuara të 5 minutave të fundit

Kronikë

Antikorrupsioni, debatet: Mbingarkesë
hetimi, pa gjyqtarë të specializua

Një seancë e gjatë dëgjimore ishte ajo e djeshmja në Komisionin e Ligjeve, ku grupet e interesit mbështetën pjesërisht paketën ligjore të qeverisë në lidhje me ndryshimin e Kodit të Procedurës Penale si dhe atë të ligjit të antimafias.
Antikorrupsioni, debatet: Mbingarkesë<br />hetimi, pa gjyqtarë të specializua
TIRANE- Një seancë e gjatë dëgjimore ishte ajo e djeshmja në Komisionin e Ligjeve, ku grupet e interesit mbështetën pjesërisht paketën ligjore të qeverisë në lidhje me ndryshimin e Kodit të Procedurës Penale si dhe atë të ligjit të antimafias. Prokuroria dhe Këshilli i Lartë i Drejtësisë janë dakord në parim për gjetjen e mjeteve të reja në luftën kundër korrupsionit, por dy insitucionet më të rëndësishme të sistemit të drejtësisë nuk ndajnë të njëjtin mendim se paketa e sjellë nga Qeveria është zgjidhja më e mirë. Duke kërkuar rritjen e numrit të prokurorëve dhe kufizimin e kategorive për hetim, Prokuroria e Përgjithshme e pranoi parimin bazë të projektligjit, hetimin dhe gjykimin e korrupsionit nga Krimet e Rënda, ndonëse shprehu rezerva në mungesën e specializimit të gjyqtarëve në hetimin e çështjeve që kanë të bëjnë me korrupsion.

Ndërsa Këshilli i Lartë i Drejtësisë iu bashkua opinionit të ekspertëve amerikanë dhe OSBE-së së zgjerimi i kompetencave me çështjet e korrupsionit për Krimet e Rënda rrezikon uljen e efikasitetit edhe për luftën kundër krimit të organizuar. “Disa nga anëtarët e Këshillit kanë shprehur shqetësimin se tendenca e fundit për shtimin vijimësisht të listës së veprave penale në kompetencë lëndore të krimeve të rënda rrezikon t’i kthejë Gjykatat për Krime të Rënda në gjykata të zakonshme. Për pasojë, trupës gjyqësore të krimeve të rënda iu duhet të specializohet, duke e zgjeruar vijimësisht fushën e specializimit, tashmë jo vetëm për çështje të krimit të organizuar”. Prokuroria e Përgjithshme sqaron se çfarë mund të marrë përsipër Prokuroria e Krimeve të Rënda.

“Janë kryetarët e bashkive, të komunave dhe korrupsioni në fushën e drejtësisë. Kurse përsa i përket korrupsionit të deputetëve, ministrave, kryetarit të Gjykatës së Lartë, asaj Kushtetuese, Presidentit është e përcaktuar se juridiksioni fillestar i përket Prokurorisë së Përgjithshme, ndaj nuk përfshihet në këtë moment”, tha Xholi. Drejtoresha e Kabinetit të Prokurorit të Përgjithshëm, Jorida Ballauri tha se “Përqëndrimi i të gjithë veprave në prokurori dhe në gjykatë të vetme sjell ngarkesë dhe mos kryeje të punës.” Kundër kanë qenë dhe Konferenca e Gjyqësorit dhe Komiteti Shqiptar i Helsinkit.

Sipas paketës me ndryshimet ligjore, 21 vepra penale që lidhen me korrupsionin do të hetohen dhe marrin gjykim nga prokuroria dhe Gjykata e Krimeve të Rënda, por këto institucione sipas shkresave të dërguara në Kuvend nga Opdat i amerikanëve, OSBE dhe Komisioni Europian, nuk kanë kapacitet për të përballuar një punë të tillë. Drejtoresha e Komitetit të Helsinkut, Vjollca Meçaj tha se, “duhet të jemi të kujdesshëm që ligji të respektohet për të gjithë njëlloj”. Sipas Meçaj, duhet bërë kujdes me kufizimin dhe balancimin për të ruajtur dhe mbrojtur të drejtat e njeriut. Nga ana tjetër, përfaqësuesi i Shoqatës së Avokatëve, Sajmir Visha tha se, nga njëra anë po i jepet më shumë koompentenca Gjykatës së Krimeve të Rënda, nga ana tjetër gjyqtarëve të saj u ka mbaruar mandati.
 
Shkrimi u publikua sot (11.12.2013) në gazetën Shqiptarja.com (print)

Redaksia Online
(d.d/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Namir Lapardhaja: Zgjedhja e drejtuesit të SPAK nga populli, hapi i nevojshëm për pavarësinë e vërtetë të drejtësisë

Namir Lapardhaja: Zgjedhja e drejtuesit të SPAK nga populli, hapi i nevojshëm për pavarësinë e vërtetë të drejtësisë

25 Nëntor, 10:25 nga Namir Lapardhaja