Rritja e çmimit të apartamenteve me afro 9 për qind në rang vendi, për ekspertin Zef Preçi nuk reflekton luhatjet e tregut, por vjen si pasojë e pastrimit të parave. Një metër katror në periferi të Tiranës arrin 1000 euro, ndërsa në zonat pranë qendrës deri mbi 2500 euro, çka sipas Preçit nuk reflekton kërkesë-ofertën por nevojën për formalizimin e parasë të pisët.
“Rritja e çmimeve të pasurive të patundshme, qoftë për qëllime rezidenciale qoftë për biznes, nuk reflekton rritjen e kërkesës dhe as rritjen e disa elementeve të kostot, por reflekton pikërisht pompimin në ekonomi të parave informale dhe kriminale. Është një rritje çmimi që nuk pasqyron kërkesën dhe ofertën. Po ashtu pasqyron edhe defektet që ka sistemi ynë fiskal, pasi nëse një sipërfaqe ndërtimi pajiset me lejen e shfrytëzimit dhe ajo nuk shitet, ajo nuk është subjekt i tatimit, ndërsa kur ndryshon korsi ajo tatohet. Në botë nuk ka dallime të tilla, sepse synohet akselerimi i tregut, dhe çdo pasuri konsiderohet dhe pasuri kombëtare”, thotë eksperti Zef Preçi.
Ndërtimi ishte sektori i preferuar për të pastruar paratë në 2021, sipas një raporti të Drejtorisë së Përgjithshme të Parandalimit të Pastrimit të Parave, ku rastet më të shumta të identifikuara ishin në këtë treg. Ndërsa agjencitë imobiliare, shkakun e shtrenjtimit e shohin tek kostot e rritura të materialeve të ndërtimit.
“Ne si treg imobiliar u bë vite që po përballemi me rritje të çmimeve, por ky vit ka pasur çmime akoma më të rritura, i ndikuar direkt nga kostot e ndërtimit dhe detyrimisht do të reflektohet edhe tek çmimi i pronës. Në moment që shtrenjtohen apartamentet e reja, të rriten edhe të tjerat, pasi në moment që nuk blen dot një apartament me çmim 2000 euro metri katror, do të shkosh tek ato që janë më lirë dhe duke u rritur kërkesa rritet dhe çmimi i tyre”, thotë Ervin Demirxhiu.
Sipas Bankës së Shqipërisë çmimet e apartamenteve në vitin e kaluar u rritën me 9% në raport me 2020, dhe vetëm në Tiranë rritja ishte 12.3%.
Lajme të tjera
-
Valutat e huaja humbasin përsëri terren, Leku ruan ‘kështjellën’ në kursin e këmbimit! Vetëm Franga zvicerane dhe Jeni fitojnë pikë
4 Nëntor, 15:28 -
Nga 15 nëntori, në treg monedhat e reja metalike me vlerë 100 lekë
1 Nëntor, 20:21 -
Vrojtimi i Bankës së Shqipërisë: Turizmi mban në ‘këmbë’ besimin në ekonomi! Ngec sektori i ndërtimit, më pak porosi për apartamente
1 Nëntor, 15:43
-
Censi 2023/ 60 mijë familje në Tiranë pa shtëpi por 85 mijë banesa janë bosh
1 Nëntor, 15:15
-
Sejko raporton tek Komisioni i Dezinformimit: Dy vitet e fundit u rritën sulmet kibernetike! Rishikojmë rregulloren e mbikqyrjes së bankave! U asistuam nga Departamenti Amerikan i Thesarit
30 Tetor, 09:36 -
Ngjarja e bujshme që tronditi Shqipërinë e viteve ’30! E vërteta pas vjedhjes së parë të Bankës në Shqipëri
26 Tetor, 19:39
-
Vrojtim i BSH/ Shtrëngohen kushtet e dhënies së kredisë për qytetarët! Bankat të ‘rrepta’ në kushtet e huasë për blerje banese
22 Tetor, 16:34
-
Inflacioni po bie më shpejt se pritej, Sejko: Shqipëria e ka rikuperuar plotësisht goditjen e rritjes së çmimeve
16 Tetor, 15:53 -
Shqipëria, një hap më tej drejt anëtarësimit në SEPA, kursimi vjetor deri në 20 mln euro
15 Tetor, 11:17 -
Tregu i apartamenteve/ Të etur për prona, bum shitjesh të pasurive të paluajtshme! INSTAT: Në 6 muaj u shitën prona me vlerë 58 mld lekë
13 Tetor, 17:34
-
Kriza e euros, po këmbehet me 98 lekë! BSH deri në fund të vitit do të blejë 330 mln €: Më e rëndë situata nëse s’do ndërhynim
13 Tetor, 14:20
-
“Problematikët” nisin të paguajnë! Kreditë me probleme bien në nivelin më të ulët historik
10 Tetor, 17:22
