Apeli në Shkodër kthen për rigjykim çështjen ndaj ish-kreut të bashkisë Lezhë, Fran Frrokajt

Apeli në Shkodër kthen për rigjykim çështjen ndaj ish-kreut të bashkisë Lezhë, Fran Frrokajt

Ish-kryetari i bashkisë Fran Frrokaj

Gjykata e Apelit Shkodër në Shkodër, ka vendosur të kthejë për rigjykim dosjen e tjeteresimit të pronave ne Lezhe ku u dënuan me burg 17 persona mes të cilëve dhe ish-kryebashkiaku i Lezhës Fran Frrokaj. Vendimi për kthimin e çështjes për rigjykim, është marrë këtë të mërkure dhe pritet që në ditët në vijim, trupa gjykuese e kryesuar nga gjyqtarja Vojsava Osmanaj të japi argumentat ligjore të zbardhura, për kthimin në shkallë të parë të kësaj dosje.

Në dukje gjykata e Apelit ka argumentuar në sallën e gjyqit se gjykimi në shkallën e parë nuk është zhvilluar si një proces i rregullt ligjor, pasi ka pasur shkelje proceduriale si mosveçimi i çështjes kur është bere me arsyetimin e bashkëpunimit dhe ne fund ka vendos se s'ka bashkepunim. Po ashtu nuk është pranuar kërkesa për kryerjen e aktit te ekspertimit.

Gjykata e shkallës së Parë në Lezhë ne muajin shtator të vitit 2020 shpalli fajtor dhe dënoi me katër vite burg për “Shpërdorim detyre” ish-kryetarin e Bashkisë Lezhë Fran Frrokaj, për akuzën e tjetërsimit të pronave te Rana e Hedhun në bregdetin e Shëngjinit. Gjithashtu për shpërdorim detyre u dënua ish-nënkryetari i bashkisë Enver Hafizi me 1 vit burg, ish-kryetari i Qarkut Gjok Ndoka me 4 vite burg dhe ish-drejtori i Hipotekës Artan Djala me 3 vite burg. Në total gjyqtari Ilir Perdeda dha 37.6 vite burg për 17 persona, nga 43.6 vite që kishte kërkuar prokurori Erjon Shehaj.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Armë për Ukrainën/ A mund të ndihmojë Ballkani Perëndimor?

Armë për Ukrainën/ A mund të ndihmojë Ballkani Perëndimor?