POP 5

Lajmet më të lexuara të 5 minutave të fundit

Politikë

Apeli rrëzon padinë e Kuliçajt
Balla: I qëndroj deklaratave

Gjykata e Tiranës dënoi deputetin socialist me 700 mijë lekë të reja dëmshpërblim ndaj Kuliçajt. Rikthimi i cështjes pasi u gjetën shkelje të shumta proceduriale në gjykim. Deputeti socialist: “Apeli rrëzoi një vendim absurd."
Apeli rrëzon padinë e Kuliçajt<br />Balla: I qëndroj deklaratave
TIRANE- Gjykata e Apelit rrëzoi sot vendimin e gjykatës së Tiranës dhe rikthen për rigjykim dosjen ku numri dy i Policisë së Shtetit, Agron Kuliçaj paditi Taulant Balla për shpifje. Më 28 tetor 2011 gjykata e Tiranës dënoi deputetin socialist me 700 mijë lekë të reja dëmshpërblim ndaj Kuliçajt. Rikthimi i cështjes pasi u gjetën shkelje të shumta proceduriale në procesin ndaj Ballës.

“Rrëzoi një vendim absurd. I qëndroj deklaratave të mia fjalë për fjalë” – deklaroi deputeti socialist Taulant Balla menjëherë pas vendimit të gjykatës së Apelit.

DENIMI I BALLES NGA GJYKATA E TIRANES
Në mars të 2011 numri dy i Policisë së Shtetit dorëzoi në gjykatë një padi civile ku kërkonte shpërblimin e dëmit jopasuror (moral) që pretendonte se i ishte shkaktuar nga thëniet e pavërteta të deputetit Balla. Zv/drejtori i Përgjithshëm i Policisë së Shtetit shprehej se deklaratat publike të deputetit Balla i kanë shkaktuar një dëm të konsiderueshëm jopasuror, duke i cenuar nderin dhe personalitetin. Në konferencën për shtyp të datës 15 mars 2011 në selinë e Partisë Socialiste në Tiranë, ndër të tjera Taulant Balla Shprehej se "...në kontrabandën e naftës 'vergine', të kthyer në një krim shtetëror, rezultojnë të përfshirë shumë zyrtarë, ish-drejtues të ARMO-s shtetërore, drejtues lokalë të policisë e deri në drejtues të lartë të Policisë së Shtetit, siç është rasti i ish-badigardit të Saliut, Agron Kuliçaj, si dhe punonjës të sistemit doganor, të Inspektoratit Qendror Teknik dhe të Tatim-Taksave. Dhe fajin për këtë kriminalizim të strukturave të shtetit e ka Saliu. Ky ka qenë një aktivitet kriminal shumë i madh, me 40 deri në 50 mijë ton naftë 'virgine' të kontrabanduar çdo vit...".
Zv/drejtori i Policisë së Shtetit kërkonte dëmshpërblim në shumën e 1 milion lekëve të vjetra. "Kërkimi im lidhur me vlerën e dëmit të shkaktuar do të jetë simbolik, në masën e një milion lekëve të vjetra", shkruhej në padinë e numrit dy të Policisë së Shtetit. Gjykata e Tiranës vendosi dënimin e Ballës me 700 mijë lekë gjobë.
(sg/shqiptarja.com)

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Rusia anashkalon sanksionet perëndimore, fillon përdorimin e Bitcoin në tregtinë ndërkombëtare

Rusia anashkalon sanksionet perëndimore, fillon përdorimin e Bitcoin në tregtinë ndërkombëtare

26 Dhjetor, 17:14