Është krijuar aplikacioni viral, që arrin të bëjë automatikisht një status në rrjetet sociale.

Ky aplikacion është i krijuar kryesisht për rrjetin social “Facebook”, që kalon nëpër profilet e personave dhe arrin të shkruajë automatikisht një status në murin e faqes, duke u bazuar edhe tek mesazhet e vjetër që ndodhen aty dhe duke kthyer përgjigje.

Ky aplikacion i cili ka arritur rezultate të paparashikuara quhet “What Would i Say?”(Çfarë mund të them?).

Aplikacioni që shkruan statusin automatikisht në “Facebook”, është krijuar nga një grup studentësh të cilët kanë një moshë mesatare 25 vjeç, të sapo diplomuar në Princeton, në New Jersey në Shtetet e Bashkuara të Amerikës, gjatë një evenimenti informatik të këtij Universiteti.

Redaksia Online
(e.s/shqiptarja.com)