POP 5

Lajmet më të lexuara të 5 minutave të fundit

Kronikë

APP njofton bashkitë: Asnjë tender nga 1 qershori, por kush bën përjashtim

Agjencia e Prokurimit Publik ka njoftuar se duke nisur nga 1 qershori dhe deri më 30 qershorë bashkitë nuk duhet të shpallin procedura prokurorimi përveç rasteve të prokurimit me vlerë të vogël, si dhe atyre që kanë si objekt produktet ushqimore.

APP njofton bashkitë: Asnjë tender nga 1 qershori, por kush bën përjashtim

Agjensia e Prokurimit Publik i ka komunikuar bashkive  dhe autoriteteve kontraktore në varësi të tyre se duke nisur nga data 1 qershor deri më datë 30 qershor 2019 nuk  duhet  të shpallin procedura prokurimi. Kjo thirrje vjen 1 muaj e 15 ditë para zgjedhjeve lokale të 30 qershorit.

Sipas APP njësive të vetëqeverisjes vendore iu është lënë mundësia që të prokurojnë vetëm ato procedura që kanë në objekt produktet ushqimore.

" Sjellim në vemëndje së, njësitë e vetqeverisjes vendore dhe autoritetet kontraktore në varësi të tyre, nuk do të shpallin procedura prokurimi për periudhën nga 1 deri në 30 qershor 2019, me përjashtim të procedurave të prokurimit me vlerë të vogël, si dhe atyre që kanë si objekt produktet ushqimore." thuhet në njoftimin e APP.

Njoftimi i plotë:

"Agjencia e Prokurimit Publik (në vijim “APP”) sjell në vëmendje të njësive të vetqeverisjes vendore dhe të autoriteteve kontraktore në varësi të tyre se, nё mbёshtetje neneve 16 e 40, të ligjit nr.9936, datё 26.06.2008, “Pёr menaxhimin e sistemit buxhetor në Republikën e Shqipërisë”, tё ndryshuar, Këshilli i Ministrave ka miratuar Vendimin Nr. 284 datë 10.05.2019  ”Për pezullimin e përkohshëm të fillimit të procedurave të prokurimi nga njësitë e vetëqeverisjes vendore dhe autoritetet kontraktore në varësi të tyre, për periudhën 1 deri 30 qershor 2019”.

Me anë të këtij akti nënligjor është vendosur pezullimi i përkohshëm i fillimit të procedurave të prokurimit nga njësitë të vetëqeverisjes vendore dhe të autoriteteve kontraktore në varësi të tyre, për periudhën nga 1 deri në 30 qershor 2019.

Sjellim në vemëndje së, njësitë e vetqeverisjes vendore dhe autoritetet kontraktore në varësi të tyre, nuk do të shpallin procedura prokurimi për periudhën nga 1 deri në 30 qershor 2019, me përjashtim të procedurave të prokurimit me vlerë të vogël, si dhe atyre që kanë si objekt produktet ushqimore. Procedurat e prokurimit të shpallura përpara datës 1 qershor 2019 lejohet të vijonë në përputhje me legjislacionin në fuqi. Duke ju falënderuar, DREJTOR I PËRGJITHSHËM: Reida Kashta"

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Tragjedia në Shkodër, a duhet gratë të denoncojnë çdo formë dhune?

Lajme të tjera



×

Lajmi i fundit

3-mujori, importet e karburanteve dhe birrës, rritje dyshifrore, kafeja me rënie

3-mujori, importet e karburanteve dhe birrës, rritje dyshifrore, kafeja me rënie

6 Maj, 07:39