Apple do të kërkojë nëpër iPhone imazhe të abuzimit seksual të fëmijëve

Kompania amerikane, Apple, ka bërë të ditura detajet e një sistemi për të gjetur material të abuzimit seksual të fëmijëve në pajisjet e konsumatorëve në Shtetet e Bashkuara.

Para se një fotografi të ruhet në galeri të telefonit, teknologjia do të kërkojë nëse ka material të abuzimit.

Apple ka thënë se nëse identifikohet diçka e tillë, atëherë përdoruesi i telefonit do të raportohet te ndonjë zyrtar për zbatim të ligjit.

LEXO EDHE:
Warren Buffet po shet aksione dhe po grumbullon cash! A di diçka që ne nuk e dimë?

Megjithatë, ekzistojnë shqetësime për privatësi dhe nëse kjo teknologji mund të zgjerohet për kërkime në telefon për përmbajtje të ndaluar.

Ekspertët shqetësohen se teknologjia mund të përdoret nga qeveritë autoritare për të spiunuar qytetarët.

Apple ka thënë se versionet e reja të iOS dhe iPadOS – që do të publikohen këtë vit – do të kenë aplikacione të reja të kriptografisë, për të ndihmuar që të mos përhapen materialet abuzuese online.

Sistemi funksionon duke krahasuar fotografitë me një databazë të njohur për imazhe të abuzimit seksual, të përpiluar nga Qendra Kombëtare për Fëmijë të Zhdukur dhe të Shfrytëzuar si dhe organizata tjera të fëmijëve.

Apple ka thënë se kjo teknologji do të mund të identifikojë edhe versione të modifikuara të imazheve origjinale../ REL

TAG:
• apple
• Abuzim
• abuzim femijesh

Sondazhi i ditës:

Si e vlerësoni punën e qeverisë gjatë vitit 2024?

• Pozitivisht

  63.8%

• Negativisht

  28%

• Nuk kam mendim

  8.2%

Vota total: 1448

Votat totale janë unike

• Sondazhi i ditës:

  Si e vlerësoni punën e qeverisë gjatë vitit 2024?

  Pozitivisht Negativisht Nuk kam mendim