ARABI SAUDITE – Një familje në Arabinë Saudite, fëmija 2-vjeçar i së cilës ishte mbipeshë, kërkoi publikisht ndihmë kur pa se pasha e foshnjes arriti në 32 kilogramë dhe ai kishte probleme me gjumin.

Mjekët që e morën përsipër operacionin thanë se dy dietat që u dhanë për ta dobësuar vogëlushin, kishin dështuar. 

Fëmija ishte në një peshë normale gjatë 6 muajve të parë të jetës, por, duke u rritur, ai u u diagnostikua me obezitet patologjik, sëmundje të cilën asnjë në historinë e familjes së tij nuk e kishte vuajtur.

Kirurgët vendosën të kryenin operacionin për heqje dhjami, e cila përfshinte heqjen e shtresës së jashtme të stomakut për ta bërë atë sa çereku i masës së mëparshme. 

Ata gjithashtu shkruan në “International Journal of Surgery Case Reports”:
 
“Me sa dimë, operacioni për heqje dhjami nuk është provuar asnjëherë në fëmijë me moshë shumë të re. Ne përfaqësojmë ndoshta rastin e parë të operacionit të dalë me sukses tek një fëmijë 2-vjeçar me obezitet patologjik”.

Operacioni për heqje dhjami te fëmijët merret në konsideratë vetëm në raste ekstreme, pasi dietat dhe ushtrimet fizike nuk japin efekt. Megjithatë, mundet që 2-vjeçari të ketë serish nevojë për operacion në të ardhmen, ndaj ai do të duhet të vendoset nën kujdesin e specialistëve për një kohë të gjatë.

2 vjec
 (Dyvjeçari para operacionit)

2 vjec
(Dyvjeçari pas operacionit të dobësimit)

Redaksia online
(e.d/ar.sh/shqiptarja.com)