POP 5

Lajmet më të lexuara të 5 minutave të fundit

Kronikë

Arben Lleshi u vra sot në burgun e Peqinit, saga e frikshme e ekzekutimeve në familjen e tij

Viktima Arben Lleshi i cili u ekzekutua nga Sokol Mjacaj ditën e sotme brenda qelisë së tij në burgun e Peqinit, vuante dënimin përjet për vrasjen e Agim Hoxhës dhe djegien e trupit të tij, të ndodhur në vitin 2012

Arben Lleshi u vra sot në burgun e Peqinit, saga e frikshme e ekzekutimeve në familjen e tij

Foto: Arben Lleshi

Viktima Arben Lleshi i cili u ekzekutua nga Sokol Mjacaj ditën e sotme brenda qelisë së tij në burgun e Peqinit, vuante dënimin përjet për vrasjen e Agim Hoxhës dhe djegien e trupit të tij, të ndodhur në vitin 2012.

Ai u kap në Angli dhe më pas u ekstradua në Shqipëri ku u dënua me burgim të përjetshëm. Në pranga ra edhe vëllai i tij, i cili e kishte ndihmuar në djegien e trupit të Agim Hoxhës dhe zhdukjes së provave. Pas kësaj vazhdoi saga e vrasjeve dhe rrëmbimeve në fisin Lleshi.

Në 30 tetor të vitit 2013, u ekzekutua me armë zjarri Xhavit Lleshi, babai i Klevis Lleshit.

Në 15 maj 2016 u vra Hajredin Lleshi në fshatin e lindjes në Burrel, i cili është vëllai i Xhavitit.

Ndërkohë që në 2017 u rrëmbye Artan Lleshi, djali i Hajredinit, të cilin e morën me një makinë në Burrel dhe e sollën në Kamëz, ku është parë për herë të fundit dhe u zhduk.

Ndërsa në datë 5 gusht 2020 u zhduk edhe Klevis Lleshi 21-vjeç. Ai sapo ka dalë nga shtëpia për kafe, e rrëmbyen dhe u zhduk. Dyshohet se Klevisi kishte nisur të fliste për hakmarrje ndaj familjes Hoxha dhe pas këtyre fjalëve ka ndodhur rrëmbimi i tij. Ende sot e kësaj dite 3 vite pas zhdukjes, nuk dihet asgjë për fatin e tij.

Pra bilanci i viktimave në familjen Lleshi është 2 të vdekur dhe 2 të zhdukur. Aktualisht në shtëpinë e Xhavit Lleshit është vetëm nëna e tij dhe tre motrat që janë martuar në Burrel. Ndërkohë që pas përleshjes në burg gjatë ditës së sotme u vra edhe Arben Lleshi.


Lajmi kryesor:

Vrasje me pagesë brenda burgut të Peqinit, i dënuari përjetë Sokol Mjacaj ekzekuton nga dritarja e qelisë Arben Lleshin, plagoset Indrit Shaqja
B.V/Shqiptarja.com
  • Sondazhi i ditës: 23 Janar, 09:41

    Secila parti në zgjedhje me 46 deputetët e parë të fiksuar, si e vlerësoni?

Lajme të tjera



×

Lajmi i fundit

Përplasjet për emrin, Athina deklaroi se 'çështja e Maqedonisë së Veriut është mbyllur', reagon Mickoski: E papërgjegjshme! Do korrigjohen këto padrejtësi

Përplasjet për emrin, Athina deklaroi se 'çështja e Maqedonisë së Veriut është mbyllur', reagon Mickoski: E papërgjegjshme! Do korrigjohen këto padrejtësi

24 Janar, 07:31